ەلىمىزدىڭ سۋ ايدىندارىندا شومىلۋعا رۇقسات ەتىلگەن 612 ورىن بار، دەپ حابارلايدى اlmaty-akshamy.kz.
سۋعا تۇسۋگە بولمايتىنى جانە تىيىم سالىنعانى تۋرالى 6،5 مىڭنان اسا ەسكەرتۋ بەلگىسى قويىلعانى جايىندا توتەنشە جاعدايلار مينيسترلىگى مالىمدەدى دەپ جازدى 24kz. شومىلۋ ماۋسىمى باستالعالى قۇتقارۋشىلار 13 ادامدى امان الىپ قالعان. الايدا، ءبىرىنشى ونكۇندىكتىڭ وزىندە سۋداعى قاۋىپسىزدىك ەرەجەلەرىن ساقتاماعان 8 ازامات وپات بولعان. ونىڭ تورتەۋى بالا. وسىعان بايلانىستى توتەنشە جاعدايلار ءمينيسترى شىڭعىس ءارىنوۆ باقىلاۋ شارالارىن كۇشەيتۋدى جانە سۋ ايدىندارىندا ساعات سايىن رەيد جۇرگىزۋدى تاپسىردى. 20 مىڭنان استام پاترۋلدەۋ مەن رەيد ناتيجەسىندە 525 ادام اكىمشىلىك جاۋاپكەرشىلىككە تارتىلدى. ماماندار تۇرعىنداردى رۇقسات ەتىلگەن ءقاۋىپسىز سۋ قويمالارىندا عانا دەمالۋعا، سونداي-اق قاۋىپسىزدىك ەرەجەلەرىن قاتاڭ ساقتاۋعا شاقىردى.
ەسكە سالا كەتسەك، بۇعان دەيىن الماتىدا شومىلۋعا ارنالعان ورىندار جايىندا جازعان بولاتىنبىز. سونىمەن قاتار، شومىلۋعا ءقاۋىپتى ورىنداردى دا نازاردان تىس قالدىرمادىق.