ق ر مادەنيەت جانە اقپارات ۆيسە-مينيسترى قانات ىسقاقوۆ قحر مەملەكەتتىك حابار تاراتۋ جانە تەلەديدار باسقارماسى باسشىسىنىڭ ورىنباسارى يان گوجۋيمەن كەزدەستى.
كەزدەسۋدە تاراپتار ءبىرقاتار بىرلەسكەن جوبالاردىڭ ىسكە اسىرىلۋ بارىسىن، سونداي-اق راديوحابار تاراتۋ جانە تەلەديدار سالاسىنداعى ىنتىماقتاستىقتى كۇشەتۋ ماسەلەلەرىن تالقىلادى، دەپ حابارلايدى Almaty-akshamy.kz.
قانات ىسقاقوۆ جىلدار بويى ەكى ەل ءتۇرلى سالادا، سونىڭ ىشىندە مادەنيەت پەن اقپارات سالالارىندا سەرىكتەستىكتى بەلسەندى دامىتىپ كەلە جاتقانىن اتاپ ءوتتى.
«ءبىز قازاقستاندىق جانە قىتايلىق بۇقارالىق اقپارات قۇرالدارى اراسىنداعى ىنتىماقتاستىق تابىستى دامىپ كەلە جاتقانىن ماقتان تۇتامىز. ق ر مادەنيەت جانە اقپارات مينيسترلىگىنىڭ وسى جىلدىڭ ءساۋىر ايىندا حەفەي قالاسىندا وتكەن شىۇ-عا قاتىسۋشى ەلدەردىڭ قىزمەتكەرلەرىنە ارنالعان سەمينارعا قاتىسۋىن اتاپ ءوتۋ ماڭىزدى. بۇل قازاقستاننىڭ وڭىرلىك باستامالار شەڭبەرىندەگى مەديا-ىنتىماقتاستىقتى دامىتۋدا بەلسەندى ءرولىن كورسەتەدى»،- دەدى ۆيسە-مينيستر.
ءوز كەزەگىندە يان گوجۋي ءوزىن جىلى قابىلداعانى ءۇشىن العىس ءبىلدىرىپ، ودان ءارى ىنتىماقتاستىقتى دامىتۋ جونىندە ۇسىنىستار ايتتى.