ەكى تاراپتىڭ مەملەكەت جانە ۇكىمەت باسشىلارى كەلىسسوزدەرىنىڭ ناتيجەسىندە بوي كوتەرەتىن شەكاراارالىق ساۋدا ورتالىعىنا «الاتاۋ» اتى بەرىلەدى.
ق ر ساۋدا جانە ينتەگراسيا ۆيسە-مينيسترى قايرات تورەبايەۆتىڭ بىشكەككە جۇمىس ساپارى بارىسىندا وسى جانە باسقا دا ەلارالىق ماسەلەلەر ءسوز بولدى، دەپ حابارلايدى Almaty-akshamy.kz اتالعان مينيسترلىكتىڭ باسپا ءسوز قىزمەتىنە سىلتەمە جاساپ.
قايرات تورەبايەۆتىڭ قىرعىز رەسپۋبليكاسىنىڭ ينۆەستيسيالار ءمينيسترىنىڭ ورىنباسارى نۋراديل باياسوۆپەن ەكىجاقتى كەزدەسۋىندە تاراپتار قازاقستان رەسپۋبليكاسى مەن قىرعىز رەسپۋبليكاسى اراسىنداعى ساۋدا-ەكونوميكالىق ىنتىماقتاستىقتىڭ قازىرگى جاعدايىن تالقىلادى.
قازاقستاندىق ينۆەستورلار ءۇشىن قولايلى جاعدايلار جاساۋ ماسەلەلەرى تالقىلاندى، قازاقستاندىق كومپانيالاردىڭ فيسكالدىق داۋلارىن شەشۋگە كومەك سۇرادى.
كەزدەسۋدىڭ نەگىزگى تاقىرىپتارىنىڭ ءبىرى قىرعىز رەسپۋبليكاسى اۋماعىندا I ايماقارالىق ىنتىماقتاستىق فورۋمىنا دايىندىقتى تالقىلاۋ بولدى. تاراپتاردىڭ پىكىرىنشە، فورۋم ەكى ەل اراسىنداعى ساۋدا-ەكونوميكالىق ىنتىماقتاستىقتى دامىتۋعا قوسىمشا سەرپىن بەرەدى.
ەكى جاقتى ىنتىماقتاستىقتى جانە ەكونوميكالىق ينتەگراسيانى تەرەڭدەتۋ ماسەلەلەرىن قايرات تورەبايەۆ قىرعىز رەسپۋبليكاسى ەكونوميكا جانە قارجى ءمينيسترىنىڭ ورىنباسارى ميرلانبەك بايگونچوكوۆپەن دە تالقىلادى. تاراپتار مەملەكەت باسشىلارىنىڭ ءوزارا ساپارلارىنىڭ جانە ۇكىمەتارالىق كەڭەستىڭ 9-شى وتىرىسىنىڭ قورىتىندىلارى بويىنشا قول جەتكىزىلگەن ۋاعدالاستىقتاردىڭ ىسكە اسىرىلۋ بارىسىن تالقىلادى.
اتاپ ايتقاندا، «الاتاۋ» جوباسى اتاۋىمەن شەكاراارالىق ساۋدا ورتالىعىن قۇرۋ پروسەسى. جوبانى ساۋدا جانە ينتەگراسيا ءمينيسترى ب.سۇلتانوۆ پا-نىڭ 9-شى وتىرىسى اياسىندا تانىستىردى. قازاقستاندىق تاراپ كتت-نى قولدانىستاعى «قاراسۋ - اقتىلەك» وتكىزۋ پۋنكتتەرىنىڭ ايماعىندا ورنالاستىرۋدى ۇسىندى.
كەزدەسۋ ناتيجەسىندە ورتالىق تۇجىرىمداماسىنىڭ جوباسىن جەدەلدەتىپ ماقۇلداۋ تۋرالى كەلىسىمگە قول جەتكىزىلدى. ءوزارا ساۋدا كولەمىن ۇلعايتۋ ماقساتىندا قازاقستاندىق تاراپ ماشينا جاساۋ، مەتاللۋرگيا، تاماق ونەركاسىبى، قۇرىلىس ماتەريالدارى مەن حيميا ونىمدەرى سياقتى سالالارداعى ەكسپورتتىڭ اۋقىمىن كەڭەيتۋگە دايىن ەكەندىگىن مالىمدەدى. بارلىعى 113،4 ميلليون اقش دوللارىن قۇرايتىن 50 ءونىم پوزيسيالار بار.
سونداي-اق مۇناي جانە مۇناي ونىمدەرى ساۋداسى تۋرالى كەلىسىمدەردىڭ جوبالارى مەن جەكەلەگەن تاۋار تۇرلەرىمەن ساۋدا تۋرالى كەلىسىم بويىنشا كەلىسسوزدەردى كۇشەيتۋ ۇسىنىلدى. تاراپتار ءبىرىڭعاي ستاندارتتاردى ەنگىزۋ جانە ءبىرىڭعاي ەۋرازيالىق تاۋارلاردى تاراتۋ جۇيەسى شەڭبەرىندە ەكى ەلدىڭ تاۋارلاردى تاراتۋ جەلىلەرى اراسىنداعى ءوزارا ءىس-قيمىلدى قامتاماسىز ەتۋ جونىندەگى شارالاردى جۇزەگە اسىرۋدى تالقىلادى. قازاقستان تاراپىنىڭ قىرعىزستان اۋماعىندا شۋ (3 كسو - قويما) جانە ىستىقكول وبلىستارىندا (1 كسو - ساتۋ الدىنداعى دايىندىق/الدىن الا تازارتۋ) 3 كسو سالۋعا قىزىعۋشىلىعى راستالدى.