ارنايى قىزمەت شىعىندى ەسەپتەپ، كونترابانداعا قاتىسى بار وزگە ادامداردى انىقتاپ جاتىر.
قىرعىزستاننىڭ ارنايى قىزمەتتەرى كونترابانديستىڭ كولىگىنەن 170 ميلليون تەڭگەگە باعالانعان التىن قۇيمالاردى تاپتى، دەپ حابارلايدى aqshamnews.kz
قىرعىز رەسپۋبليكاسىنىڭ ۇلتتىق قاۋىپسىزدىك مەملەكەتتىك كوميتەتىنىڭ مالىمەتىنشە، سالماعى 3 كيلوگرامنان اساتىن التىن قۇيمالاردى زاڭسىز جولمەن قازاقستانعا شىعارۋعا ارەكەتتەنگەن.
«17 قىركۇيەك كۇنى „كەن-بۋلۋن“ باقىلاۋ-وتكىزۋ پۋنكتىندە قازاقستانعا باعىت العان Lexus كولىگى توقتاتىلدى. كولىكتەن 3،3 كگ التىن قۇيمالار تابىلدى. التىن يەسىندە رۇقسات قۇجاتتارى بولماعان»،-دەپ حابارلادى قىرعىزستاننىڭ ۇقمك.