الماتى پوليسياسىنىڭ قىزمەتكەرى ماناسلۋ شىڭىنا ەكسپەديسياعا قاتىسىپ جاتىر.
قازاقستاندىق الپينيست ماقسۇت جۇمايەۆ قازاقستان رەسپۋبليكاسى قۇقىق قورعاۋ ورگاندارىنان قۇرالعان ۇلتتىق قۇراما كومانداسىنا ماناسلۋ شىڭىنا (8،163 م ) ەكسپەديسيا ۇيىمداستىردى.
– مەن قازاقستان رەسپۋبليكاسى قۇقىق قورعاۋ ورگاندارىنىڭ قۇراما كومانداسىنىڭ كومەگىمەن 8163 م ماناسلۋ شىڭىنا ەكسپەديسيا ۇيىمداستىرۋدى ۇيعاردىم. نەگىزگى قۇرام – قورعانىس مينيسترلىگىنىڭ ارنايى وپەراسيالىق جاساقتارىنىڭ تاۋلى دايىندىق نۇسقاۋشىلارى، سونداي-اق ءىىم مەن ۇقك وكىلدەرى. كوماندا ءبىر ايدان استام تاۋدا ارنايى دايىندىقتان ءوتتى. ەكسپەديسيامىزعا قولداۋ كورسەتكەن “دارا” پرەزيدەنتتىك باستامالار قورىنا العىس ايتامىز، – دەدى ماقسۇت جۇمايەۆ.
ەكسپەديسيا قۇرامىندا الماتى قالالىق پوليسيا دەپارتامەنتىنىڭ قىزمەتكەرى سايات ەرتايەۆ بار. سايات مۇنداي اۋقىمدى ەكسپەديسياعا العاش رەت قاتىسىپ وتىر.