ۆارشاۆا – نۇر-سۇلتان – ۆارشاۆا باعىتىنداعى العاشقى رەيس 10 ماۋسىمنان باستالماق.
ۆارشاۆا جانە نۇر-سۇلتان قالالارى اراسىنداعى رەيستەردى پولشانىڭ LOT Polish Airlines اۋە كومپانياسى قايتا جاڭعىرتىپ، اپتاسىنا 1 رەيسپەن ۇشىرۋدى جوسپارلاپ وتىر، دەپ حابارلايدى Almaty-akshamy.kz ق ر ييدم-نىڭ ءباسپاسووز قىزمەتىنە سىلتەمە جاساپ.
ەكى ەل استانالارى اراسىنداعى رەيستەردى اپتانىڭ دۇيسەنبى كۇندەرى B–737 اۋە كەمەسى جۇزەگە اسىرادى.
مۇنداي شەشىمدى قازاقستان رەسپۋبليكاسىنىڭ اۋماعىندا كوروناۆيرۋستىق ينفەكسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيا 2021 جىلعى 28 مامىردا قابىلدادى.
قازاقستان مەن پولشا اراسىنداعى رەيستەر سانىن ۇلعايتۋ تۋرالى شەشىم ەپيدەميولوگيالىق جاعدايعا جانە ۆەدومستۆوارالىق كوميسسيانىڭ ءتيىستى شەشىمدەرىنە بايلانىستى قابىلدانادى.
رەيستەر سانيتارلىق-ەپيدەميولوگيالىق تالاپتاردى قاتاڭ ساقتاي وتىرىپ جانە اۋە كومپانياسىنىڭ سايتىندا جاريالانعان كەستەگە سايكەس ورىندالادى.