قازاقستاندا ورمان شارۋاشىلىعى دامۋدا
ورمان شارۋاشىلىقتارى جىلىنا ءونىم شىعارۋ كولەمىن 4%-عا ارتتىردى، دەپ حابارلايدى Almaty-akshamy.kz Energyprom.kz cايتىنا سىلتەمە جاساپ.
قىزمەتتەردىڭ 89%-ى ورمان شارۋاشىلىعىنا، 11%-ى اعاش دايىنداۋعا تيەسىلى.
2020 جىلى ورمان شارۋاشىلىعىندا وندىرىلگەن ءونىم مەن كورسەتىلگەن قىزمەت كولەمى 15،8 ملرد تەڭگەنى قۇرادى، قۇندىق ماندە ءبىر جىل بۇرىنعىعا قاراعاندا 5%-عا ارتىق. ناقتى ءوسىم 4،3%-دى قۇرادى.
ءوندىرىستىڭ ەڭ كوپ كولەمى تۇركىستان وبلىسىنا تيەسىلى: 2،2 ملرد تگ، ءوسىم جىلىنا 5 ەسە. كوشباسشى وڭىرلەردىڭ ۇشتىگىنە اقمولا وبلىسى مەن استانا كىردى. ەڭ از كولەم اتىراۋ وبلىسىنا كەلدى: بارلىعى 5،3 ملن تگ.
انىقتاما ءۇشىن: 2019 جىلى سەكتوردا ءونىم شىعارۋ 15،1 ملرد تەڭگەنى قۇرادى، بۇل الدىڭعى جىلعا قاراعاندا 1،1%-عا از.
ءونىمنىڭ نەگىزگى كولەمى ورمان شارۋاشىلىعى سالاسىنا تيەسىلى: 14 ملرد تەڭگە — قۇندىق ماندە ءبىر جىل بۇرىنعىعا قاراعاندا 5،7%-عا ارتىق (ناقتى ءوسىم - 5،2%). ونىڭ ىشىندە 11،6 ملرد تەڭگە ورمان شارۋاشىلىعى سالاسىنداعى قىزمەتتەرگە، 1،6 ملرد تەڭگە اعاش كەسۋ كەزىندە الىنعان سۇرەك دايىنداۋعا، 666،7 ملن تەڭگە ورمان پيتومنيكتەرى قىزمەتىنە، 181،1 ملن تەڭگە ورمان اعاشتارىنىڭ تۇقىمدارىن دايىنداۋعا جۇمسالدى.
تاعى 11،3% اعاش دايىنداۋ سالاسىنداعى قىزمەتتەر قۇرادى: 1،8 ملرد تگ — ءبىر جىل بۇرىنعىعا قاراعاندا 0،2%-عا از (ناقتى قۇلدىراۋ - 2،3%-عا). ونىڭ ىشىندە 1،4 ملرد تەڭگە وڭدەلمەگەن سۇرەك پەن جابايى وسەتىن اعاش ەمەس ونىمدەردى دايىنداۋعا، 384،2 ملن تەڭگە اعاش دايىنداۋ سالاسىنداعى قىزمەتتەرگە جۇمسالدى.
اعىمداعى جىلدىڭ ءبىرىنشى توقسانىنىڭ قورىتىندىسى بويىنشا ورمان شارۋاشىلىعى ءونىمىنىڭ، اعاش دايىنداۋ مەن وسى سالالارداعى كورسەتىلەتىن قىزمەتتەردىڭ باعاسى ءبىر جىلدا 1،7%-عا ءوستى. ونىڭ ىشىندە وڭدەلمەگەن سۇرەك 4،3%-عا، ورمان شارۋاشىلىعىندا كورسەتىلەتىن قىزمەتتەر 0،5%-عا قىمباتتادى.
كەسۋگە ارنالعان ماتەريالدار اراسىندا قاراعايدىڭ قۇنى تەكشە مەتر ءۇشىن 14،2 مىڭ تەڭگەنى، قايىڭنىڭ قۇنى 4،2 مىڭ تەڭگەنى قۇرادى.
سولتۇستىك قازاقستاندا تۇرعىندار جەرگىلىكتى ورمان ەكپەلەرىن قورعاۋعا ءماجبۇر بولدى، دەپ حابارلايدى "استانا"تەلەارناسى. جاسىل اعاشتاردىڭ جولاعى ەلۋ جىلعا جۋىق.
ادامداردى شاڭنان، قاردان جانە جولدان شىعاتىن گازداردان قورعايتىن ورمان القابىنىڭ ورنىندا ولار تاعى ءبىر كافە سالۋعا تىرىسۋدا.