كولىك مينيسترلىگى عيماراتىندا حالىقارالىق اۆتوموبيل تاسىمالدارى جونىندە كازاقستان-پولشا ارالاس كوميسسياسىنىڭ كەزەكتى وتىرىسى ءوتتى.
تاراپتار قازاقستان مەن پولشا اراسىنداعى جۇك تاسىمالدارىنىڭ كولەمى تۋرالى اقپارات الماسىپ، ەكى ەل اراسىندا اۆتوموبيل كولىگىمەن جۇك تاسىمالى كولەمى ۇلعايعانىن اتاپ ءوتتى، دەپ حابارلايدى aqshamnews.kz.
كولىك مينيسترلىگىنىڭ مالىمەتىنشە، 2024 جىلدىڭ قورىتىندىسى بويىنشا ەكى مەملەكەت اراسىندا اۆتوموبيل كولىگىمەن جۇك تاسىمالدارى كولەمى 5%-عا ءوسىپ، جالپى كورسەتكىش 360 مىڭ توننا جۇكتى قۇرادى.
كەلىسسوز بارىسىندا ەكى جاق ىنتىماقتاستىقتى ودان ءارى دامىتۋ ماسەلەلەرىن تالقىلادى. ماسەلەن، شەتەلدىك رۇقسات بەرۋ بلانكىلەرىن ەلەكتروندىق فورماتقا اۋىستىرۋ جانە 2025 جىلعا ارنالعان شەتەلدىك بلانكىنىڭ ناقتى كۆوتاسى بەكىتىلدى.
كەزدەسۋدى قورىتىندىلاي كەلە ەكى ەل ماماندارى بىرلەسكەن جۇمىستىڭ ماڭىزىن اتاپ ءوتىپ، اۆتوموبيل كولىگى سالاسىندا ىنتىماقتاستىقتى ودان ءارى نىعايتاتىندارىن ايتتى. وتىرىس قورىتىندىسى بويىنشا ارنايى حاتتاماعا قول قويىلدى.