ق ر اۋىل شارۋاشىلىعى ءمينيسترى ايداربەك ساپاروۆ «Global Olive Corporation» كومپانياسىنىڭ پرەزيدەنتى گەورگيي سۆانيدزە مەن قازاقستاندا ءزايتۇن اعاشتارىن ءوسىرۋ جانە ءزايتۇن مايىن ءوندىرۋ جوباسىن جۇزەگە اسىرۋدىڭ نەگىزگى كەزەڭدەرىن تالقىلادى.
جوبا 2023 جىلى «QVM Technology» ج ش س، «Ordabasy Group» جانە «ەرۆيرا» قازاقستاندىق كومپانيالارى «Olive Georgia» گرۋزين كومپانياسىمەن بىرلەسىپ تۇركىستان، ماڭعىستاۋ جانە جەتىسۋ وبلىستارىندا ءزايتۇن كوشەتتەرىن تاجىريبەلىك وتىرعىزۋدى باستاعان كەزدە قولعا الىنعان. 6 مىڭنان استام كوشەت وتىرعىزىلىپ، ولاردىڭ تىرشىلىك ەتۋ دەڭگەيى 99،7% قۇرادى. العاشقى ءونىم بەس جىلدان كەيىن الىنادى دەپ كۇتىلۋدە، دەپ حابارلايدى aqshamnews.kz.
اشم مالىمەتىنشە، 2024 جىلدىڭ كوكتەمىندە جوبا كەڭەيتىلىپ، يسپانيا مەن تۇركيادان قوسىمشا ءزايتۇن كوشەتتەرى وتىرعىزىلدى. 2025 جىلدىڭ سوڭىنا قاراي قازاقستاندا ءزايتۇن القابىنىڭ اۋماعى 100 گەكتارعا جەتەدى دەپ جوسپارلانۋدا.
مينيستر جوبانىڭ ماڭىزدىلىعىن اتاپ ءوتتى، بۇل 2025 جىلدىڭ اقپان ايىندا قازاقستان مەن گرۋزيانىڭ پرەمەر-مينيسترلەرى اراسىندا قول جەتكىزىلگەن كەلىسىمدەردىڭ جالعاسى بولىپ تابىلادى.
«مينيسترلىك الدىندا وڭدەلگەن ءونىمنىڭ ۇلەسىن 70%-عا دەيىن ارتتىرۋ مىندەتى تۇر، جانە ءزايتۇن سالاسىن دامىتۋ اگروونەركاسىپ كەشەنى ءۇشىن ستراتەگيالىق ماڭىزعا يە. ءبىز وسى جوبانى جۇزەگە اسىرۋدا بارلىق قاجەتتى جاعدايلاردى جاساپ، جان-جاقتى قولداۋ كورسەتۋگە دايىنبىز»، — دەپ اتاپ ءوتتى ايداربەك ساپاروۆ.
گەورگيي سۆانيدزە ءزايتۇن ءوسىرۋ جوباسى ەلدىڭ اۋىل شارۋاشىلىعىن دامىتۋعا ايتارلىقتاي اسەر ەتەتىنىنە سەنىم ءبىلدىردى.
«ءبىزدىڭ ماقساتىمىز — قازاقستانداعى ءزايتۇن سالاسىن دامىتۋ. جالپى العاندا، ءبىز كوشەتتەردىڭ سانىن ميلليونعا دەيىن ارتتىرۋدى جوسپارلاپ وتىرمىز، جاس اگرونومداردى تەحنولوگيالارعا ۇيرەتۋگە، ءوز ماماندارىمىزدى تارتۋعا دايىنبىز. جوبا اياسىندا ءزايتۇن مايىن وندىرەتىن زاۋىت جانە كوشەتتەر ءوسىرۋ پيتومنيگىن سالۋ جوسپارلانۋدا»، — دەدى «Global Olive Corporation» پرەزيدەنتى.
گرۋزين كومپانياسىنىڭ قازاقستانداعى سەرىكتەسى — توو «QVM Technology» وكىلدەرى اۋىل شارۋاشىلىعى مينيسترلىگى جوبانى ىسكە اسىرۋدا بارىنشا جاردەمدەسەتىنىن اتاپ ءوتتى.
كەزدەسۋدىڭ قورىتىندىسى بويىنشا ءوزارا تۇسىنىستىك جانە ىنتىماقتاستىق تۋرالى مەموراندۋمعا قول قويىلدى. سونداي-اق، جوبانى ءساتتى جۇزەگە اسىرۋ ءۇشىن مەرزىمدەر مەن شارالاردى ايقىندايتىن جول كارتاسى ازىرلەنەدى.
جوبانىڭ قۇنى 20 ميلليون دوللاردى قۇرايتىنىن اتاپ وتسەك. كەلەشەكتە بۇل جوبا جىلىنا 150 مىڭ توننا ءزايتۇن ءونىمىن الۋ مۇمكىندىگىن بەرەدى، ونىڭ ىشىنەن شامامەن 30 مىڭ توننا ءزايتۇن مايى وندىرىلەتىن بولادى.