قازاقستان مەن وزبەكستانعا ورتالىق ازياداعى بارلىق وڭىرلىك ساۋدانىڭ 70%-عا جۋىعى تيەسىلى.
بۇگىن تۇركىستان قالاسىندا ق ر پرەمەر-مينيسترى اسقار مامين ءور پرەمەر-مينيسترى ابدۋللا اريپوۆپەن كەلىسسوز جۇرگىزىپ، قازاقستان مەن وزبەكستاننىڭ ايماقارالىق ىنتىماقتاستىعىنىڭ III فورۋمىنا قاتىستى، دەپ حابارلايدى Almaty-akshamy.kz رrimeminister.kz سايتىنا سىلتەمە جاساپ.
ساۋدا-ەكونوميكالىق، ينۆەستيسيالىق، اۋىل شارۋاشىلىعى، ترانزيتتىك-كولىك، سۋ-ەنەرگەتيكا سالالارىنداعى، ونەركاسىپتىك كووپەراسياداعى، تۋريزمدەگى جانە باسقا دا سالالارداعى ەكىجاقتى ىنتىماقتاستىقتى دامىتۋدىڭ وزەكتى ماسەلەلەرى تالقىلاندى. قازاقستان مەن وزبەكستانعا ورتالىق ازياداعى بارلىق وڭىرلىك ساۋدانىڭ 70%-عا جۋىعى تيەسىلى. 2021 جىلدىڭ 9 ايىندا ەكىجاقتى تاۋار اينالىمى $2،9 ملرد استى، بۇل 2020 جىلدىڭ سايكەس كەزەڭىنىڭ كورسەتكىشىنەن 28،5%-عا جوعارى.
وسى جىلدىڭ قورىتىندىسى بويىنشا وزبەكستان قازاقستاننىڭ ەڭ ءىرى ساۋدا سەرىكتەستەرىنىڭ بەستىگىنە كىرۋى مۇمكىن. ءوزارا ساۋدا كولەمىن 2022 جىلى $5 ملرد دەيىن جانە 5 جىل ىشىندە $10 ملرد دەيىن جەتكىزۋ مىندەتى قويىلدى. ەكى ەلدىڭ شەكاراسىندا «ورتالىق ازيا» حالىقارالىق ساۋدا-ەكونوميكالىق ىنتىماقتاستىق ورتالىعىن قۇرۋ جوباسىن ىسكە اسىرۋ بويىنشا جۇمىس جۇرگىزىلۋدە.