الماتى قالاسىندا 26 قاراشا كۇنى ساعات 02.45-تەن باستاپ قارعا ۇلاسقان جاڭبىر، تاۋلى جانە تاۋ بوكتەرىندەگى جەرلەردە جاۋا باستادى
ساعات 06.40 قالانىڭ ورتالىق بولىگىنە قار ءتۇستى. تاڭعى ساعات 16.00-دەگى جاعداي بويىنشا تاۋ بوكتەرىندەگى اۋدانداردا 8 سم-گە دەيىن، تاۋلى اۋدانداردا 12-15 سم-گە دەيىن قار جاۋدى، دەپ حابارلايدى Almaty-akshamy.kz
كوكتايعاقتىڭ الدىن الۋ ماقساتىندا قالانىڭ جوعارعى بولىگىندە قار جاۋا سالىسىمەن جولدارعا كوكتايعاققا قارسى ماتەريالدار سەبىلىپ، قار سىپىرىلۋدا. 246 توننا كوكتايعاققا قارسى ماتەريالدار پايدالانىلدى.
تاۋلى اۋدانداردا قار تازالاۋ ۇيىمداستىرىلدى، 320 تەكشە مەتر قار سىرتقا شىعارىلدى.
تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، كوپشىلىك پايدالاناتىن ورىندار قاردان تازارتىلۋدا.
583 ارنايى تەحنيكا بىرلىگى، ونىڭ ىشىندە 202 قۇمشاشقىش جانە 1 504 جول جۇمىسشىسى جۇمىلدىرىلدى.
اۋدان اكىمدىكتەرى مەن قالا اكىمدىگىندە قار تازالاۋ جۇمىستارىنىڭ ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
الماتىدا كەشكە جانە تۇندە اۋا تەمپەراتۋراسىنىڭ مينۋس 8-10 گرادۋسقا دەيىن تومەندەيدى جانە ازداپ قار جاۋادى دەپ بولجانۋدا.
