قازاقستان فۋتبول فەدەراسياسى مەن وزبەكستان فۋتبول قاۋىمداستىعى جولداستىق ويىن وتكىزۋ تۋرالى كەلىسىمگە كەلدى.
ماچ 2022 جىلدىڭ 16 قاراشاسى كۇنى تاشكەنت قالاسىنداعى «پاحتاكور» ستاديونىندا وتەدى، دەپ حابارلايدى Almaty-akshamy.kz.
«وزبەكستان قۇراماسى ەۋرو-2024 ىرىكتەۋ كەزەڭىنە دايىندىق ءۇشىن جاقسى قارسىلاس دەپ سانايمىن. جاتتىقتىرۋشىلار شتابى ءۇشىن كوپ مالىمەت جيناۋعا مۇمكىندىك بەرەدى. وزبەكستاندا ساپالى فۋتبولشىلار كوپ. سول سەبەپتى، وسى ويىندا ەۋروپا چەمپيوناتىنىڭ الداعى ىرىكتەۋ كەزەڭىندە ءۇمىت ارتاتىن فۋتبولشىلاردى ءبىر تەكسەرىپ الامىن دەپ ويلايمىن. وتە قىزىقتى ويىن بولادى دەپ ۇمىتتەنەمىن»، - دەپ پىكىر ءبىلدىردى قازاقستان ۇلتتىق قۇراماسىنىڭ باس باپكەرى ماگومەد ادييەۆ.
بۇعان دەيىن ەكى ەلدىڭ قۇرامالارى التى رەت كەزدەسىپ، وزبەكستان ەكى رەت، قازاقستان ءبىر رەت جەڭىسكە جەتكەن بولاتىن. ءۇش ويىن تەڭ اياقتالدى.
فيفا رەيتينگىندە وزبەكستان قۇراماسى 77-ورىندا تۇر.