پرەزيدەنت سايلاۋىنا كانديداتتاردى ۇسىنۋ بۇگىن ساعات 18:00-دە اياقتالادى.
كەزەكتەن تىس پرەزيدەنت سايلاۋىنىڭ العاشقى كەزەڭى 23 قىركۇيەكتە باستالعان ەدى. سودان بەرى رەسپۋبليكالىق قوعامدىق بىرلەستىكتەردەن ەلدىڭ ورتالىق سايلاۋ كوميسسياسىنا 8 ادام ۇسىنىلىپ، قۇجاتتارىن تاپسىردى، دەپ حابارلايدى Almaty-akshamy.kz.
پرەزيدەنت لاۋازىمىنا كانديداتتاردى ۇسىنۋ ساياسي ناۋقان بەلگىلەنگەن كۇننىڭ ەرتەسىنە باستالدى. زاڭ بويىنشا، وسى ەلدە تۋعان، 40 جاسقا تولعان، مەملەكەتتىك ءتىلدى ەركىن بىلەتىن ءارى سوڭعى 15 جىل وسى ەلدە تۇرعان قازاقستان ازاماتى عانا ۇمىتكەر بولا الادى. ونى بەلگىلى ءبىر قوعامدىق بىرلەستىك ۇسىنۋى ءتيىس.
سونىمەن بارلىعى 8 ۇمىتكەر تىركەلدى. بۇگىن سوڭعى بولىپ سالتانات تۇرسىنبەكوۆانىڭ كانديداتۋراسى ۇسىنىلدى.
ال، بۇگىن لينگۆيستيكالىق كوميسسيا بۇقارالىق اقپارات قۇرال وكىلدەرىنە ارناپ باسپا ءسوز ءماسليحاتىن وتكىزەدى.