اعىمداعى كەزەڭدەگى ستاتيستيكالىق دەرەكتەر تاۋارلار ساۋداسى كولەمىنىڭ ۇدەمەلى قالپىنا كەلۋىن راستايدى.
قازاقستان رەسپۋبليكاسىنىڭ ساۋدا جانە ينتەگراسيا ءمينيسترى باقىت سۇلتانوۆ وزبەكستان رەسپۋبليكاسى ينۆەستيسيالار جانە سىرتقى ساۋدا ءمينيسترىنىڭ ورىنباسارى بادريددين ابيدوۆپەن ەلدەر اراسىنداعى ساۋدا قاتىناستارىن نىعايتۋ ماسەلەلەرى بويىنشا كەزدەستى، دەپ حابارلايدى Almaty-akshamy.kz Cاۋدا جانە ينتەگراسيا مينيسترلىگىنىڭ باسپا ءسوز قىزمەتىنە سىلتەمە جاساپ.
باقىت سۇلتانوۆ وزبەكستان قازاقستاننىڭ ورتالىق ازياداعى نەگىزگى ساۋدا سەرىكتەسى ەكەنىن اتاپ ءوتتى. ماسەلەن، اعىمداعى كەزەڭدەگى ستاتيستيكالىق دەرەكتەر تاۋارلار ساۋداسى كولەمىنىڭ ۇدەمەلى قالپىنا كەلۋىن راستايدى.
«تەك 2021 جىلدىڭ ءقاڭتار-ساۋىر ايلارىندا عانا تاۋار اينالىمى $1،2 ملرد قۇرادى، بۇل وتكەن جىلدىڭ سايكەس كەزەڭىنىڭ كورسەتكىشىنەن 41،3%-عا جوعارى ($0،8 ملرد.). ەكسپورت 54%-عا ءوسىپ، $899،2 ملن قۇرادى، يمپورت 11%-عا ارتىپ، $272،0 ملن قۇرادى»، – دەپ حابارلادى باقىت سۇلتانوۆ.
2021 جىلعى 1 قاڭتاردان باستاپ وزبەكستان يمپورتقا اكسيزدەردى قولدانبايتىنىن اتاپ ءوتۋ قاجەت. وسىلايشا، 2021 جىلدىڭ 4 ايى ىشىندە قازاقستاننان وزبەكستانعا اكسيزدەلەتىن تاۋارلار ەكسپورتىنىڭ 85 تاۋار پوزيسيالارى بويىنشا (سەق تن 10 بەلگىسىندە) $50،3 ملن سوماسىنا 74،3%-عا وسكەنى بايقالادى، 2020 جىلدىڭ ۇقساس كەزەڭىندە وسى تاۋارلار بويىنشا ەكسپورت كولەمى $28،9 ملن قۇردى.
سونىمەن قاتار، تاراپتار 2021 جىلعى 10 ساۋىردە حسەىو كاپسۋلاسىن سالۋ ءراسىمىنىڭ قورىتىندىسى بويىنشا قول قويىلعان «ورتالىق ازيا» حالىقارالىق ساۋدا-ەكونوميكالىق ىنتىماقتاستىق ورتالىعىنىڭ قىزمەتىن ۇيىمداستىرۋ جونىندەگى ءىس-شارالار جوسپارىن» ىسكە اسىرۋ بارىسىن ەگجەي-تەگجەيلى تالقىلادى.
تاراپتار تۇجىرىمداما جوباسىن تالقىلاۋ جانە كەلىسۋبويىنشا مۇددەلى مەملەكەتتىك ورگاندار مەن ۇيىمدار قاتارىنان قالىپتاستىرىلعان ەكىجاقتى جۇمىس توبى شەگىندە كەلىسسوزدەردى قارقىنداتۋدىڭ قاجەتتىلىگىن اتاپ ءوتتى.
سونىمەن قاتار، باقىت سۇلتانوۆ قۇرىلىپ جاتقان حسەىو جوباسىنىڭ، ونىڭ ىشىندە ولارعا «قولايلى ورىن اۋىستىرۋ قاعيداتىن» تۋعىزا وتىرىپ، ەكى ەلدىڭ ەڭبەك رەسۋرستارىن تارتۋ ارقىلى ەكسپورتقا باعدارلانعان ءونىمدى ءوندىرۋ جونىندە كووپەراسيالىق جوبالاردى ونىڭ الاڭىندا قۇرۋ بويىنشا ۇلكەن الەۋەتىن قايتالاپ اتاپ ءوتتى.
ءوز كەزەگىندە، وزبەكستان رەسپۋبليكاسى ينۆەستيسيالار جانە سىرتقى ساۋدا ءمينيسترىنىڭ ورىنباسارى بادريددين ابيدوۆ «حسەىو» جوباسى اياسىندا وزبەكستان بارلىق ساۋدا كەدەرگىلەرىن جويۋعا جانە ءوزارا ساۋدانى كۇشەيتۋگە دايىن ەكەنىن حابارلادى.
تاراپتار، سونداي-اق، كوتەرمە-تاراتۋ مەن لوگيستيكالىق ورتالىقتاردى جاڭادان قۇرۋ جانە قولدانىستاعىلاردى ينتەگراسيالاۋ نەگىزىندە بىرلەسكەن تاۋار وتكىزۋ جەلىسىن قالىپتاستىرۋ ماسەلەسىن تالقىلادى.
جانە تە، باقىت سۇلتانوۆ وزبەكستان مەن اۋعانىستان شەكاراسىندا «تەرمەز» حالىقارالىق ساۋدا ورتالىعى جوباسىن ىسكە اسىرۋعا قازاقستان تاراپىنىڭ قاتىسۋىنا مۇددەلىلىگىن ءبىلدىردى.
كەزدەسۋدىڭ قورىتىندىسى بويىنشا مەملەكەتتەر اراسىنداعى ساۋدا-ەكونوميكالىق ىنتىماقتاستىقتى دودان ءارى امىتۋ ماقساتىندا، سونداي-اق ىنتىماقتاستىق ءۇشىن الەۋەتتىڭ بار ەكەنىن اتاي وتىرىپ، تاراپتار ءۇش قۇجاتقا: «قازاقستان رەسپۋبليكاسىنىڭ ساۋدا جانە ينتەگراسيا مينيسترلىگى مەن وزبەكستان رەسپۋبليكاسىنىڭ ينۆەستيسيالار جانە سىرتقى ساۋدا مينيسترلىگى اراسىنداعى ساۋدا قاتىناستارىن دامىتۋ ماسەلەلەرى بويىنشا ىنتىماقتاستىق تۋرالى مەموراندۋمعا»، «قازاقستان رەسپۋبليكاسىنىڭ ساۋدا جانە ينتەگراسيا مينيسترلىگى مەن وزبەكستان رەسپۋبليكاسىنىڭ ينۆەستيسيالار جانە سىرتقى ساۋدا مينيسترلىگى اراسىنداعى ىنتىماقتاستىق تۋرالى مەموراندۋمعا»، «تاۋار وتكىزۋ جۇيەسىن قۇرۋ بويىنشا جوبانى بىرلەسىپ ىسكە اسىرۋ ماسەلەلەرى بويىنشا ىنتىماقتاستىق تۋرالى مەموراندۋمعا» قول قويۋعا كەلىستى.