مەملەكەتتىك بيۋدجەت شىعىستارى ءبىر جىلدا 18%-عا ءوستى. قاراجاتتىڭ تورتتەن ءبىر بولىگى الەۋمەتتىك كومەك پەن الەۋمەتتىك قامسىزداندىرۋعا جۇمسالدى
اعىمداعى جىلى بيۋدجەت شىعىندارىنداعى الەۋمەتتىك سالانىڭ سالماعىن جارتىسىنا دەيىن جەتكىزۋ جوسپارلانۋدا، دەپ حابارلايدى Almaty-akshamy.kz Finprom.kz سايتىنا سىلتەمەلەپ.
2021 جىلدىڭ ءبىرىنشى توقسانىندا مەملەكەتتىك بيۋدجەتتىڭ شىعىندارى 3،8 ترلن تەڭگەنى قۇرادى، بۇل، ءبىر جىل بۇرىنعىعا قاراعاندا، بىردەن 18%-عا ارتىق. مەملەكەتتىك بيۋدجەتتىڭ شىعىستارى 99،5%-عا ورىندالدى.
تىكەلەي ساۋىردە شىعىندار ءبىر جىل بۇرىن، وسىعان ۇقساس كەزەڭگە قاراعاندا، 13،9%-عا، 1،2 ترلن تەڭگەگە دەيىن ءوستى.
سالىستىرۋ ءۇشىن: وتكەن جىلدىڭ ءبىرىنشى توقسانىندا شىعىندار 3،2 ترلن تەڭگەنى، جىلدىق ءوسىم 15%-دى قۇرادى.
مەملەكەتتىك شىعىستاردىڭ باسىم بولىگى ءداستۇرلى تۇردە الەۋمەتتىك كومەك پەن الەۋمەتتىك قامسىزداندىرۋعا تيەسىلى بولدى: ءبىر جىل بۇرىنعى 894،7 ملرد تەڭگەگە قارسى 1 ترلن تەڭگە، وعان قوسا ءبىر جىل ىشىندە 11،9%.
ەكىنشى قاتاردا ءبىلىم الۋعا ارنالعان شىعىستار بولدى: 793،9 ملرد تەڭگە، وتكەن جىلمەن سالىستىرعاندا، 17،6%-عا ارتىق. بۇدان ءارى دەنساۋلىق ساقتاۋعا جۇمسالاتىن شىعىندار: 590،2 ملرد تەڭگە، ءوسىم — جىلىنا 1،5 ەسە.
بارلىق نەگىزگى باپتار بويىنشا شىعىندار كوبەيدى. بۇعان جالپى سيپاتتاعى مەملەكەتتىك قىزمەتتەرگە (مينۋس 2%، 205،3 ملرد تەڭگەگە دەيىن)؛ كولىك جانە كوممۋنيكاسيالارعا (مينۋس 3،8%، 111،7 ملرد تەڭگەگە دەيىن)؛ مادەنيەتكە، سپورتقا، تۋريزمگە جانە اقپاراتتىق كەڭىستىككە (مينۋس 11%، 99،4 ملرد تەڭگەگە دەيىن)؛ ونەركاسىپكە، ساۋلەت، قالا قۇرىلىسى جانە قۇرىلىس قىزمەتىنە (مينۋس 39،6%، 4،9 ملرد تەڭگەگە دەيىن) شىعىستار قوسىلمايدى.
"2021 جىلعا ارنالعان رەسپۋبليكالىق بيۋدجەتتى ناقتىلاۋ تۋرالى" زاڭ جوباسىنا سايكەس، بيۋدجەتتىڭ الەۋمەتتىك سالاسى جالپى 374 ملرد تەڭگەگە ۇلعايتىلىپ، 7،5 ترلن تەڭگەنى نەمەسە شىعىستاردىڭ جالپى كولەمىنىڭ 48،7%-ىن قۇرايدى، دەپ حابارلايدى ق ر قارجى مينيسترلىگى. تاعى 2،4 ترلن تەڭگە ەكونوميكانىڭ ناقتى سەكتورىن قولداۋعا باعىتتالادى. الەۋەتتى قۇرىلىمداردىڭ شىعىستارى 1،6 ترلن تەڭگە سوماسىندا جوسپارلانعان. جالپىمەملەكەتتىك شىعىستار 3،3 ترلن تەڭگەگە دەيىن تومەندەتىلدى.
جالپى، 2020 جىلدىڭ قاڭتار–جەلتوقسان ايلارىندا الەۋمەتتىك كومەك پەن الەۋمەتتىك قامتاماسىز ەتۋگە مەملەكەتتىك بيۋدجەتتەن 3،8 ترلن تەڭگە جۇمسالدى، بۇل ءبىر جىل بۇرىنعىعا قاراعاندا، 9%-عا كوپ. سەكتور شىعىستارىنىڭ ۇلەسى 22،6%-دى قۇرادى. 2021 جىلدىڭ ءبىرىنشى توقسانىندا بۇل كورسەتكىش 26،2%-عا جەتتى.
