بۇل كەلىسىم ەكى تاراپ اراسىنداعى ساۋدا-ەكونوميكالىق، مادەني-گۋمانيتارلىق جانە تۋريستىك ىنتىماقتاستىقتى دامىتۋعا قوسىمشا سەرپىن بەرەدى.
قازاقستان رەسپۋبليكاسىنىڭ جۇڭگو حالىق رەسپۋبليكاسىنداعى ەلشىسى شاحرات نۇرىشيەۆ جانە ماكاو ارنايى اكىمشىلىك جانە ادىلەت حاتشىسى چونگ ۆەن چون قازاقستان رەسپۋبليكاسىنىڭ ۇكىمەتى مەن جۇڭگو حالىق رەسپۋبليكاسىنىڭ ماكاو ارنايى اكىمشىلىك اۋدانىنىڭ ۇكىمەتى اراسىنداعى 14 كۇنگە دەيىنگى مەرزىممەن ۆيزالىق تالاپتاردان ءوزارا بوساتۋ تۋرالى كەلىسىمگە قول قويدى. قۇجات مەملەكەتشىلىك راسىمدەر اياقتالعاننان كەيىن كۇشىنە ەنەدى، دەپ حابارلايدى Almaty-akshamy.kz.
سونىمەن قاتار، ەلشى ش. نۇرىشيەۆ ماكاو ءااا اكىمشىلىگىنىڭ باسشىسى حو ياتسەنمەن جانە قحر ءسىم كوميسسارى ليۋ سيانفامەن كەلىسسوزدەر جۇرگىزدى.
كەزدەسۋلەر بارىسىندا تاراپتار قازاقستان مەن ماكاو اراسىنداعى ءوڭىرارالىق ىنتىماقتاستىقتىڭ قازىرگى جاعدايى مەن كەلەشەگىن، سونداي-اق قىتايداعى قازاقستاننىڭ ءتۋريزمى جىلىنىڭ اياسىنداعى ارەكەتتەسۋ سۇراقتارىن تالقىلادى.