قازاقستان مەن ليۋكسەمبۋرگ تۇراقتى اۋە تاسىمالى جونىندەگى مەموراندۋمعا قول قويدى

قازاقستان مەن ليۋكسەمبۋرگ اۋە قاتىناسى جيىلىگىن كوبەيتۋگە كەلىستى.

بۇل تۋرالى ليۋكسەمبۋرگ ۇلى گەرسوگتىگىنىڭ سىرتقى جانە ەۋروپالىق ىستەر جونىندەگى ءمينيسترى جان اسسەلبورن پرەمەر-مينيستردىڭ ورىنباسارى – سىرتقى ىستەر ءمينيسترى مۇرات نۇرتىلەۋمەن كەلىسسوزدەن كەيىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«ءبىزدىڭ ەكىجاقتى قاتىناسىمىز جوعارى دەڭگەيدە قالىپتاسىپ وتىر. بۇل ءبىزدىڭ كوپجاقتى فورماتتاعى ىنتىماقتاستىعىمىزدا دا انىق بايقالادى. ءبىز قازاقستاننىڭ ناقتى جان-جاقتىلىققا باعىتتالعان سىرتقى ساياساتىن قۇرمەتتەيمىز. جانە دە مۇنىڭ الەمدەگى پروبلەمالاردى شەشۋدىڭ جالعىز ءتاسىلى ەكەنىن تۇسىنەمىز»، - دەدى جان اسسەلبورن كەلىسسوزدەن كەيىنگى بريفينگتە.

مارتەبەلى مەيمان كەلىسسوز بارىسىندا ءوزارا تۇسىنىستىك تۋرالى مەموراندۋمعا قول قويىلعانىن اتاپ ءوتتى.

«ۇلتتىق كولىك كومپانيامىز – «كارگوليۋكس» قازاقستان ارقىلى قىتايدان ليۋكسەمبۋرگكە جۇك جەتكىزەتىن بولادى. بۇل – ەۋروپاداعى ەڭ ۇلكەن ءارى جالعىز كومپانيا. سوندىقتان دا ءبىز رەيس سانىن 7-دەن 12-گە دەين ارتتىپ، جۇك اينالىمىن ۇلعايتا الامىز. مۇنىڭ ءبارى ءبىر اپتا ىشىندە ورىندالادى»، - دەدى ول.