وتكەن جىلى يرانعا ەكسپورت 2،1 ەسەگە وسكەن.
2022 جىلعى 21-22 اقپاندا قازستاندارت باسشىلىعى تەگەران قالاسىندا قازاقستان مەن يران اراسىنداعى ساۋدا-ەكونوميكالىق، عىلىمي-تەحنيكالىق جانە مادەني ىنتىماقتاستىق جونىندەگى بىرلەسكەن كوميسسيانىڭ 17ء-شى وتىرىسىنا قاتىستى، دەپ حابارلايدى Almaty-akshamy.kz
بۇل تۋرالى ق ر ساۋدا جانە ينتەگراسيا مينيسترلىگىنىڭ باسپا ءسوز قىزمەتى ءمالىم ەتتى.
باسپا ءسوز قىزمەتىنىڭ مالىمەتتەرىنە قاراعاندا، يران – قازاقستاننىڭ ەڭ جاقىن ساۋدا سەرىكتەستەرىنىڭ ءبىرى، تەك 2021 جىلدىڭ وزىندە يرانعا ەكسپورت 2،1 ەسەگە ءوسىپ، 275،3 ملن اقش دوللارىن قۇرادى.
وتىرىس بارىسىندا قازستاندارت كەلىسسوزدەر ءۇش جىلدان استام ۋاقىت جۇرگىزىلگەن يران ستاندارتتاۋ جونىندەگى ۇلتتىق ۇيىمىمەن (INSO) ستاندارتتاۋ سالاسىنداعى كەلىسىمگە قول قويدى.
كەلىسىم يراننىڭ ۇلتتىق ستاندارتتارىنا جول اشادى جانە قازاقستاندىق كاسىپورىندار ءۇشىن ەكسپورتقا جاعدايلار جاسايدى.