وتكەن جىلمەن سالىستىرعاندا 54،6%-عا وسكەن.
قازاقستانعا گرۋزيادان اكەلىنەتىن مينەرالدى سۋلار مەن ءجۇزىم شاراپتارىنىڭ كولەمى وسكەن. ەكى ەل اراسىنداعى تاۋار اينالىمى 2022 جىلعى قاڭتار-اقپاندا $13،1 ملن قۇرادى، بۇل وتكەن جىلدىڭ ۇقساس كەزەڭىمەن سالىستىرعاندا 54،6%-عا جوعارى ($8،4 ملن)، دەپ حابارلايدى Almaty-akshamy.kz.
قازاقستاندىق تاۋارلاردىڭ ەكسپورتى 13،8%-عا تومەندەپ، $6،1 ملن قۇرادى.
««QazTrade» كومپانياسىنىڭ دەرەكتەرىنە سايكەس، قاڭتار-اقپاندا قازاقستان گرۋزياعا مۇنداي تاۋارلارىن، مۇناي ونىمدەرىن جانە گازداردى ەكسپورتتاعان جوق. الايدا، جالاتىلعان بولاتتان جاسالعان جالپاق پروكاتتى (ءوسىم 9،6 ەسە $1،8 ملن-عا دەيىن)، فەرروقورىتپالاردى (ءوسىم 3،1 ەسە $1،7 ملن-عا دەيىن)، بيدايدى (58،6%-عا)، كوكستى جانە جارتىلاي كوكستى جەتكىزۋدىڭ ءوسۋى بايقالدى. قىرىنۋ قۇرالدارىن، دەزودورانتتاردى، ۆانناعا ارنالعان قۇرامداردى جەتكىزۋ 30،1 ەسە ءوستى (12،7 مىڭنان 381،9 مىڭ دوللارعا دەيىن)»، - دەلىنگەن ساۋدا جانە ينتەگراسيا مينيسترلىگى باسپا ءسوز قىزمەتىنىڭ حابارلاماسىندا.
فەرروقورىتپالار، قارا مەتالداردان جاسالعان مەتالل كونسترۋكسيالار جانە تاس كومىر دە قازاقستاننان ەكسپورتتالاتىن نەگىزگى تاۋارلار بولىپ تابىلادى.
2022 جىلعى قاڭتار-اقپاندا گرۋزيادان قازاقستانعا يمپورت 5 ەسە ءوسىپ، $7،0 ملن قۇرادى.
بارىنەن دە مينەرالدى سۋلاردى (19،6 ەسە $4،3 ملن-عا دەيىن ءوستى)، تابيعي ءجۇزىم شاراپتارى (3،5 ەسە $1،3 ملن-عا دەيىن ءوستى)، مينەرالدى جانە گازدالعان سۋلار، قانت (5،9 ەسە $779،6 مىڭ دوللارعا دەيىن ءوستى)، كۇشتى سپيرتتەردى جەتكىزۋ (65،9-دان 253،8 مىڭ اقش دولل. دەيىن) ۇلعايدى.
ۆاكسينالار، قان سارىسۋى، قان (60،4% - 57،9 مىڭ دوللارعا دەيىن)، باسقا تاسىلمەن دايىندالعان نەمەسە كونسەرۆىلەنگەن جەمىستەر، جاڭعاقتار (45،7%-92،4 مىڭ دوللارعا دەيىن) سياقتى تاۋارلاردىڭ يمپورتى تومەندەدى.
2021 جىلدىڭ قورىتىندىسى بويىنشا، قازاقستان مەن گرۋزيا اراسىنداعى تاۋار اينالىمى $88 ملن.، ەكسپورت $28،1 ملن.، يمپورت $59،9 ملن قۇرادى.