قازاقستان مەن گەرمانيا ۇيىمداسقان قىلمىسقا، تەرروريزمگە جانە قىلمىستىڭ باسقا دا قاۋiپتi تۇرلەرىنە قارسى كۇرەستەگى ىنتىماقتاستىق تۋرالى كەلىسىمگە قول قويدى
قازاقستان مەن گەرمانيا ۇيىمداسقان قىلمىسقا، تەرروريزمگە جانە قىلمىستىڭ باسقا دا قاۋiپتi تۇرلەرىنە قارسى كۇرەستەگى ىنتىماقتاستىق تۋرالى كەلىسىمگە قول قويدى، – دەپ حابارلايدى almaty-akshamy.kz Polisia.kz سىلتەمە جاساپ.
2021 جىلدىڭ 13 قازان كۇنى گەرمانيا فەدەراتيۆتىك رەسپۋبليكاسىنىڭ سىرتقى ىستەر مينيسترلىگىندە قازاقستان مەن گەرمانيا ۇكىمەتتەرى اراسىندا ۇيىمداسقان قىلمىسقا، تەرروريزمگە جانە قىلمىستىڭ باسقا دا قاۋiپتi تۇرلەرىنە قارسى كۇرەستەگى ىنتىماقتاستىق تۋرالى كەلىسىمگە قول قويۋ ءراسىمى ءوتتى. ۇيىمداسقان قىلمىستىڭ، زاڭسىز كوشى-قوننىڭ، سونداي-اق، تەرروريزمنىڭ جانە قىلمىستىڭ باسقا دا ءقاۋىپتى تۇرلەرىنىڭ الدىن الۋ مەن كۇرەسۋ سالاسىنداعى ىنتىماقتاستىقتى دامىتۋدى كوزدەيتىن قۇجاتقا قازاقستاننىڭ ەلشىسى داۋرەن كارىپوۆ جانە گەرمانيانىڭ سىرتقى ىستەر مينيسترلىگىنىڭ مەملەكەتتىك حاتشىسى ميگەل بەرگەر قول قويدى.
كەلىسىم ەكى ەلدىڭ ۇكىمەتتەرىنە ەسىرتكىنىڭ، پسيحوتروپتىق زاتتاردىڭ، سول تەكتەستەر مەن پرەكۋرسورلاردىڭ زاڭسىز اينالىمىنا بايلانىستى قىلمىستارمەن كۇرەسۋ بويىنشا مالىمەتتەر الماسۋعا جانە ارەكەتتەردى ۇيلەستىرۋگە، سونداي-اق، قىلمىستىق ۇيىمداردىڭ ادامداردى شەكارادان زاڭسىز وتكىزۋ ءۇشىن جالعان جانە جاساندى قۇجاتتار قولدانۋدى قىسقارتۋعا باعىتتالعان بىرلەسكەن ءتيىمدى شارالاردى قابىلداۋعا مۇمكىندىك بەرەدى.