بەرلين قالاسىندا (گەرمانيا فەدەراتيۆتىك رەسپۋبليكاسى) «German Water Partnership» قاۋىمداستىعى مەن «تۇرعىن ۇي-كوممۋنالدىق شارۋاشىلىقتى جاڭعىرتۋ جانە دامىتۋ قازاقستاندىق ورتالىعى» اكسيونەرلىك قوعامى اراسىندا قازاقستان رەسپۋبليكاسىندا سۋمەن جابدىقتاۋ جانە سۋ بۇرۋ جۇيەلەرىنىڭ تيىمدىلىگىن ارتتىرۋ سالاسىندا ءوزارا تۇسىنىستىك تۋرالى مەموراندۋمعا قول قويىلدى، - دەپ حابارلايدى Aqshamnews.kz.
قۇجات تاراپتاردىڭ تۇراقتى سۋ مەنەدجمەنتى، ەنەرگيا ءتيىمدى جانە سيفرلىق شەشىمدەردى ەنگىزۋ، سونداي-اق سۋ ينفراقۇرىلىمىن جاڭعىرتۋ سالاسىنداعى تاجىريبە الماسۋ باعىتتارىندا ىنتىماقتاستىقتى دامىتۋ نيەتتەرىن بەكىتەدى.
مەموراندۋمعا قول قويۋ ءراسىمى او «تۇرعىن ۇي-كوممۋنالدىق شارۋاشىلىقتى جاڭعىرتۋ جانە دامىتۋ قازاقستاندىق ورتالىعىنىڭ» باسقارما ءتوراعاسى نۇرلان سولتامبەكوۆ باستاعان قازاقستاندىق دەلەگاسيانىڭ گەرمانيا فەدەراتيۆتىك رەسپۋبليكاسىنا جۇمىس ساپارى اياسىندا ءوتتى.
ساپار بارىسىندا دەلەگاسيا گەرمانيانىڭ سۋ سالاسىنداعى جەتەكشى كاسىپورىندارى — Stadtenwässerung Dresden، Fraunstein Dittersbach (System S&P) جانە Harzwasserwerke GmbH كومپانيالارىنا بارىپ، سونداي-اق «قازاقستان–گەرمانيا سۋ سالاسىنداعى ستراتەگيالىق ارىپتەستىگى: جاڭا دەڭگەي» تاقىرىبىنداعى دوڭگەلەك ۇستەلگە قاتىستى. ءىس-شارا German Water Partnership قاۋىمداستىعىمەن جانە قازاقستان رەسپۋبليكاسىنىڭ گەرمانيا فەدەراتيۆتىك رەسپۋبليكاسىنداعى ەلشىلىگىنىڭ قولداۋىمەن ۇيىمداستىرىلدى.