قازاقستاندا فدا كومپانيالار توبىن قۇرۋ شارتى قارالدى
بۇگىن استانادا ق ر ۇلتتىق ەكونوميكا ءمينيسترىنىڭ م.ا. الىبەك قۋانتىروۆ فرانسيانىڭ قر-داعى توتەنشە جانە وكىلەتتى ەلشىسى ديدە كانەسسپەن جانە فرانسيالىق دامۋ اگەنتتىگىنىڭ ورتالىق ازياداعى وكىلدىگىنىڭ وڭىرلىك ديرەكتورى ۆينسەن كوپەنمەن كەزدەستى، دەپ حابارلايدى Almaty-akshamy.kz.
كەزدەسۋ بارىسىندا ق ر ۇەم مەن فرانسيانىڭ دامۋ اگەنتتىگى اراسىنداعى ىنتىماقتاستىق ماسەلەلەرى تالقىلاندى. سونداي-اق، قازاقستاندا فدا كومپانيالار توبىن قۇرۋ جانە ونىڭ جۇمىس ىستەۋى تۋرالى ۇكىمەتارالىق كەلىسىمنىڭ شارتتارى قارالدى.
ءا.قۋانتىروۆ اتاپ وتكەندەي، كەلىسىم جوباسىنىڭ نەگىزگى تارماقتارىنا قول جەتكىزۋ ءۇشىن تۇراقتى نەگىزدە ەكىجاقتى كەزدەسۋلەر وتكىزىپ، ءوزارا ءىس-قيمىلدى كۇشەيتۋ كەرەك.
كەزدەسۋ قورىتىندىسى بويىنشا تاراپتار ەكىجاقتى ىنتىماقتاستىقتى ودان ءارى كەڭەيتۋگە دايىن ەكەندىكتەرىن ءبىلدىردى. اتاپ ايتقاندا، ەكونوميكانى، ونىڭ ىشىندە ساۋدانى دامىتۋ جانە ينۆەستيسيا تارتۋ.
ەسكە سالايىق، فرانسيا پرەزيدەنتىنىڭ ارناۋلى وكىلى يزابەل ديۋمون 6 ءساۋىر كۇنى قازاقستانعا ساپارمەن كەلەدى.