جەلىدەگى زەينەتاقى تولەمدەرىن قايتا ەسەپتەۋ جايلى اقپارات جالعان - ەڭبەك مينيسترلىگى

كۇماندى ينتەرنەت-رەسۋرستار

الەۋمەتتىك جەلىلەر مەن مەسسەندجەرلەردە زەينەتاقى تولەمدەرىن قايتا ەسەپتەۋ ارقىلى ونى 30-50%-عا ارتتىرۋ مۇمكىن ەكەندىگى تۋرالى اقپاراتقا قاتىستى ەڭبەك جانە حالىقتى الەۋمەتتىك قورعاۋ مينيسترلىگى پىكىر ءبىلدىردى، دەپ حابارلايدى Almaty-akshamy.kz.

ەڭبەك جانە حالىقتى الەۋمەتتىك قورعاۋ مينيسترلىگى  الەۋمەتتىك جەلىلەر مەن مەسسەندجەرلەردە زەينەتاقى تولەمدەرىن قايتا ەسەپتەۋ ارقىلى ونى 30-50%-عا ارتتىرۋ تۋرالى اقپاراتتىڭ شىندىققا جاناسپايتىنىن حابارلايدى. ءارى بۇل اقپاراتتا ينتەرنەت-الاياقتىق بەلگىلەرى بارىن ناقتىلايدى.

ايتا كەتسەك، تاراتىلعان بەينەروليكتە زەينەتاقىنى ارتتىرۋ ءۇشىن 20 جىلدان باستاپ ەڭبەك ءوتىلى جانە ەڭبەك كىتاپشاسىندا بەلگىلى ءبىر جازبا بولۋى كەرەك دەپ ايتىلادى. بۇل جاعدايدا روليكتىڭ اۆتورى ونىڭ قانداي جازبا ەكەنىن ءبىلۋ ءۇشىن سىلتەمەگە ءوتۋدى سۇرايدى.

"ازاماتتارعا تەكسەرىلمەگەن سىلتەمەلەرگە وتپەۋگە، سونىمەن قاتار الاياقتار پايدالانا الاتىن كۇماندى ينتەرنەت-رەسۋرستاردا وزدەرىنىڭ جەكە دەرەكتەرىن قالدىرماۋعا كەڭەس بەرەمىز. اقپاراتتى تەك رەسمي كوزدەردەن پايدالانۋدى سۇرايمىز"، - دەلىنگەن رەسمي حابارلامادا.

سونداي-اق قۇزىرلى ۆەدومستۆو جالعان اقپارات تاراتۋ زاڭمەن قۋدالاناتىنىن ەسكە سالادى.