اسكەري ءبىلىم بەرۋ، رادياسيالىق، حيميالىق جانە بيولوگيالىق قورعاۋ، جاۋىنگەرلىك دايارلىق، اسكەري بارلاۋ ماسەلەلەرى ءسوز بولدى.
ابۋ-دابيدە قازاقستان رەسپۋبليكاسى مەن بىرىككەن اراب امىرلىكتەرىنىڭ بىرلەسكەن اسكەري كوميسسياسىنىڭ كەزەكتى وتىرىسى ءوتتى، دەپ حابارلايدى Almaty-akshamy.kz
ق ر قورعانىس مينيسترلىگى باسپا ءسوز قىزمەتىنىڭ مالىمەتىنشە، كوميسسيا وتىرىسىنا قازاقستان رەسپۋبليكاسى قورعانىس مينيسترلىگى حالىقارالىق ىنتىماقتاستىق دەپارتامەنتىنىڭ باستىعى پولكوۆنيك ولجاس قۇسايىنوۆ پەن بىرىككەن اراب امىرلىكتەرى قورعانىس مينيسترلىگى حالىقارالىق قاتىناستار باسقارماسىنىڭ باستىعى اۆياسيانىڭ بريگادالىق گەنەرالى مۇحامماد ءال-مازرۋي قاتىستى.
تاراپتار اسكەري ءبىلىم بەرۋ، رادياسيالىق، حيميالىق جانە بيولوگيالىق قورعاۋ، جاۋىنگەرلىك دايارلىق، اسكەري بارلاۋ جانە اسكەري-تەحنيكالىق سالاداعى ىنتىماقتاستىقتىڭ جاي-كۇيى مەن دامۋ كوكجيەگىن تالقىلادى. كەلىسسوزدەر ناتيجەسىندە قازاقستان مەن بىرىككەن اراب امىرلىكتەرىنىڭ قورعانىس ۆەدومستۆولارى اراسىنداعى 2022 جىلعا ارنالعان اسكەري ىنتىماقتاستىق جوسپارىنا قول قويىلدى.