دەپۋتاتتار جۇمىسىندا جاڭا ستيل مەن مازمۇن پايدا بولا باستادى. بۇل تۋرالى AMANAT پارتياسىنىڭ سەزىندە پرەزيدەنت قاسىم-جومارت توقايەۆ ءمالىم ەتتى، دەپ حابارلايدى almaty-akshamy.kz
«قاجەت بولعاندا، ۇكىمەتتىڭ ناقتى مۇشەلەرى مەن اكىمدەرگە قاتىستى سەنىم ماسەلەسىن كوتەرۋ كەرەك. بارلىق دەڭگەيدەگى پارتيا دەپۋتاتتارىنىڭ رەيتينگى بارىنەن بۇرىن دايىندالعان ەسەپتەرگە ەمەس، ناقتى ىستەرگە، ازاماتتاردىڭ پروبلەمالارىن شەشۋگە نەگىزدەلۋى ءتيىس»، - دەدى قاسىم-جومارت توقايەۆ پارتيانىڭ كەزەكتەن تىس سەزىندە.
پرەزيدەنتتىڭ سوزىنە قاراعاندا، بارلىق سايلاۋ وكرۋگتەرىندە فراكسيالار دەپۋتاتتارى اراسىنان كۋراتورلار بەكىتۋ قاجەت. بۇل قادام ولاردىڭ جاۋاپكەرشىلىك اۋماعىن كەڭەيتۋدە ماڭىزدى.
«جاقىندا ءماجىلىس دەپۋتاتتارى وڭىرلەردەگى ساپارلارىنان ورالدى. مەن بۇل جۇمىستىڭ بارىسىن بايقاپ وتىردىم. وسى ورايدا دەپۋتاتتار جۇمىسىندا جاڭا ستيل مەن مازمۇن پايدا بولا باستادى، ونىڭ بارلىعى كورىنىپ تۇر. فورمالدى وتىرىستار سانى ازايىپ، سايلاۋشىلارمەن تىكەلەي كەزدەسۋلەر كوبەيدى. دەپۋتاتتار جەرگىلىكتى جەرلەردەگى ازاماتتاردىڭ ناقتى پروبلەمالارىن زەردەلەي باستادى. وسىنداي قادامداردى بارىنشا نىعايتىپ، دامىتا ءتۇسۋىمىز كەرەك»، - دەدى مەملەكەت باسشىسى.