قازاقستان مەن اۋعانستان اراسىنداعى اسكەري ىنتىماقتاستىق تۋرالى كەلىسىم دايىندالۋدا
قورعانىس مينيسترلىگى «قازاقستان رەسپۋبليكاسىنىڭ ۇكىمەتى مەن اۋعانستان يسلام رەسپۋبليكاسىنىڭ ۇكىمەتى اراسىنداعى اسكەري ىنتىماقتاستىق تۋرالى كەلىسىمگە قول قويۋ تۋرالى» قازاقستان رەسپۋبليكاسى ۇكىمەتى قاۋلىسىنىڭ جوباسىن ازىرلەدى، دەپ حابارلايدى Almaty-akshamy.kz.
قۇجات ەكى ەلدىڭ ۇكىمەتتەرى اراسىنداعى كەلىسىمگە قول قويۋ جونىندەگى مەملەكەتىشىلىك راسىمدەردى جۇرگىزۋ ءۇشىن دايىندالدى.
جوبانىڭ ماقساتى ەكى جاقتى اسكەري ىنتىماقتاستىقتى ورناتۋ جانە دامىتۋ ءۇشىن قۇقىقتىق نەگىز قۇرۋ بولىپ تابىلادى. قۇجاتقا قول قويۋ قورعانىس ساياساتى، اسكەري عىلىم جانە ءبىلىم، اسكەري مەديسينا، ماتەريالدىق-تەحنيكالىق قامتاماسىز ەتۋ، جاۋىنگەرلىك دايارلىق، اسكەري بارلاۋ جانە باسقا دا باعىتتاردا اسكەري ىنتىماقتاستىقتى جۇزەگە اسىرۋعا مۇمكىندىك بەرەدى.
قۇجاتتىڭ تولىق ماتىنىمەن اشىق نورماتيۆتىك قۇقىقتىق اكتىلەرى ينتەرنەت پورتالىندا تانىسۋعا بولادى: https://legalacts.egov.kz/npa/view؟id=8752972.