بوكستان 2021 جىلعى ازيا چەمپيوناتىنا قاتىسقان سپورتشىلاردىڭ ءبىر توبى الماتى حالىقارالىق اۋەجايىنا قايتىپ ورالدى، دەپ حابارلايدى Almaty-akshamy.kz قازاقستان بوكس فەدەراسياسى سايتىنا سىلتەمە جاساپ.
جەڭىمپازدار مەن ولاردىڭ جاتتىقتىرۋشىلارىن اتا-انالارى مەن دوستارى جانە الماتى قالالىق بوكس فەدەراسياسى، جەرگىلىكتى سپورت جانە دەنە شىنىقتىرۋ باسقارماسىنىڭ وكىلدەرى قارسى الدى.
الماتىعا قايتىپ ورالعان سپورتشىلاردىڭ اراسىندا جاڭا چەمپيوندار – الۋا بالقىبەكوۆا، نازىم قىزايباي، فاريزا شولتاي جانە كۇمىس جۇلدەگەرلەر ءابىلحان امانقۇل مەن قامشىبەك قوڭقابايەۆ بولدى.
ازيا چەمپيوناتىندا بوكستان ەرلەر مەن ايەلدەر اراسىنداعى قازاقستان قۇرامالارى مەدالدىك ەسەپتە جالپىكوماندالىق ءبىرىنشى ورىندى جەڭىپ الدى. دۋباي قالاسىندا قازاقستاندىق سپورتشىلار 8 التىن، 6 كۇمىس جانە ەكى قولا مەدال يەلەندى.
كوماندانىڭ باسىم بولىگى قازاقستانعا بۇگىن ۇشىپ كەلەدى.