قازاقستان مەن ارمەنيا اراسىندا تىكەلەي اۋە رەيستەرىن اشۋ ماسەلەسى قايتا كوتەرىلىپ جاتىر. بۇل تۋرالى ۆيسە-پرەمەر – ۇلتتىق ەكونوميكا ءمينيسترى سەرىك جۇمانعارين مالىمدەدى، دەپ حابارلايدى Aqshamnews.kz ءتىلشىسى.
ونىڭ ايتۋىنشا، ءبىر كەزدەرى ارمەنيامەن تىكەلەي اۋە قاتىناسى بولعان، الايدا ءقازىر ۋاقىتشا توقتاپ تۇر.
«ويتكەنى ەريەۆان اۋەجايىندا قىزمەت كورسەتۋ ءتاريفى وتە قىمبات. ءقازىر ءبىر ادامعا 65 دوللار، ال ءبىر توننا اۋە كەروسينى 1248 دوللارعا جەتەدى. بۇگىنگى تاڭدا مۇنى سۋبسيديالاۋ ماسەلەسى قارالىپ جاتىر»، - دەدى جۇمانعارين اقوردا كۋلۋارىندا.
قازاقستاندىق Scat، Fly Arystan كومپانيالارى اۋە رەيستەرىن اشۋعا دايىن، دەيدى ۆيسە-پرەمەر.
ەستەرىڭىزگە سالايىق، 20 قاراشا كۇنى ارمەنيا پرەمەر-مينيسترى نيكول پاشينيان قازاقستانعا رەسمي ساپارمەن كەلدى. بۇگىن اقوردادا مارتەبەلى مەيماندى سالتاناتتى تۇردە قارسى الۋ ءراسىمى ءوتتى.