كەزدەسۋدە قازاقستان مەن اراب ەلدەرى اراسىندا بارلىق دەڭگەيلەردە اشىق ءارى سەنىمدى ديالوگتىڭ ورناتىلعانى اتاپ ءوتىلدى.
ق ر سىرتقى ىستەر ءمينيسترىنىڭ ورىنباسارى قانات تۋمىش ەلىمىزدە اراب مەملەكەتتەرىنىڭ ەلشىلەرىمەن جانە ۋاقىتشا سەنىمدى وكىلدەرىمەن كەزدەستى، دەپ حابارلايدى Almaty-akshamy.kz.
كەزدەسۋ بارىسىندا تاراپتار ەكىجاقتى ساياسي، ساۋدا-ەكونوميكالىق جانە مادەني-گۋمانيتارلىق ىنتىماقتاستىقتىڭ قازىرگى جاي-كۇيى مەن كوپجاقتى فورماتتاعى ءوزارا ارەكەتتەسۋدىڭ ماسەلەلەرىن تالقىلادى. ەكىجاقتى قارىم-قاتىناستاردى كەڭ كولەمدە ءارى قاراي نىعايتۋ بويىنشا وي-پىكىرلەرمەن الماستى.
كەزدەسۋگە قاتىسقاندار قازىرگى ۋاقىتتا قازاقستان مەن اراب ەلدەرى اراسىندا بارلىق دەڭگەيلەردە اشىق ءارى سەنىمدى ديالوگتىڭ ورناتىلعانىن اتاپ ءوتتى. بۇل، ءوز كەزەگىندە، ءتۇرلى سالالارداعى ىنتىماقتاستىقتىڭ ءارى قاراي كەڭەيۋىن قامتاماسىز ەتەدى.
تاراپتار الداعى جىلداردا قازاقستاننىڭ اراب الەمىمەن سەرىكتەستىگى بىرلەسكەن كۇش-جىگەردىڭ ارقاسىندا جاڭا ساپالى دەڭگەيگە كوتەرىلەتىنىنە سەنىم ءبىلدىردى.
ق. تۋمىش ءارتۇرلى سالاداعى ەكىجاقتى ىنتىماقتاستىقتى دامىتۋعا ءاردايىم كورسەتىلەتىن قولداۋلارى مەن ۇنەمى دايىندىقتارى ءۇشىن اراب ەلشىلەرىنە ريزاشىلىعىن ءبىلدىردى. ەلدەرىمىز اراسىنداعى قارىم-قاتىناستاردى نىعايتۋ ماقساتىندا اراب ەلشىلىكتەرىنىڭ جۇمىستارىنا جان-جاقتى جاردەم كورسەتۋگە ءوزىنىڭ دايىندىعىن قۋاتتادى.
سونىمەن قاتار، ديپلوماتتار تاياۋ شىعىستاعى قازىرگى احۋالدى تالقىلاپ، وسى ماڭىزدى ايماقتىڭ ساياسي تۇراقتىلىعىن ءارى قاراي ساقتاۋ قاجەتتىگىن اتاپ ءوتتى.