قىلمىستىق ءىس بويىنشا 76 جابىرلەنۋشى بار.
الماتىدا تۇلەكتەردىڭ اتا-انالارى ونداعان ميلليون تەڭگەگە الدانعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
بۇل جولى “كاسىپكەرلىكتى” جوعارى سىنىپ وقۋشىلارىن ۇبت-عا دايىندايتىن ءبىلىم بەرۋ ورتالىعىنىڭ ديرەكتورىنىڭ اتىنان “ارەكەت ەتكەن” 22 جاستاعى ج. ەسىمدى ازامات كورسەتتى.
«كەلىسىمشارت تالاپتارىنا سايكەس، اتا-اناعا 238 مىڭ تەڭگەنى ءبولىپ تولەۋگە بولاتىن. سويتە تۇرا، بالا تەستىلەۋدەن وتپەي قالسا، “ءمۇعالىم” اقشانى قايتارۋعا ۋادە بەرگەن. ءىس جۇزىندە وقۋ ورتالىعىنىڭ نەگىزىن قالاۋشى جوق بولىپ كەتكەن. بالالار ۋادە ەتىلگەن ساباقتاردى الماعان. ال اتا-انالارى پوليسياعا كومەك سۇراپ جۇگىنگەن. اتالعان دەرەك ق ر قك-نىڭ 190-بابى 3-بولىگى (الاياقتىق) بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. تەرگەۋدىڭ قازىرگى ساتىسىندا قىلمىستىق ءىس بويىنشا 76 جابىرلەنۋشى بار. كۇدىكتى ۇستالدى جانە قاماۋدا وتىر»، – دەدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.