قازاقستان مەن اقش-تىڭ ءدىني سەنىم بوستاندىعىن تالقىلادى
بۇگىن ونلاين فورماتتا ءدىني سەنىم بوستاندىعى ماسەلەلەرى جونىندەگى قازاقستاندىق-امەريكاندىق ساراپتامالىق جۇمىس توبىنىڭ ءتورتىنشى وتىرىسى ءوتتى، دەپ حابارلادى Almaty-akshamy.kz. ق ر اقپارات جانە قوعامدىق دامۋ مينيسترلىگىنىڭ ءدىن ىستەرى كوميتەتىنىڭ تاراتقان حابارىنا سىلتەمە جاساپ.
تالقىلاۋعا اقپارات جانە قوعامدىق دامۋ ۆيسە-مينيسترى سەرىك ەگىزبايەۆ، قازاقستان رەسپۋبليكاسىنىڭ اقش-تاعى توتەنشە جانە وكىلەتتى ەلشىسى ەرجان اشىقبايەۆ، اقش مەملەكەتتىك دەپارتامەنتىنىڭ حالىقارالىق ءدىني بوستاندىق ماسەلەلەرى جونىندەگى باسقارما ديرەكتورىنىڭ ورىنباسارى كارسون رەليس روكەر، اقش-تىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ۋيليام موزەر، سونداي-اق قازاقستاننىڭ مەملەكەتتىك ورگاندارىنىڭ، اقش مەملەكەتتىك دەپارتامەنتىنىڭ جانە اقش-تىڭ حالىقارالىق ءدىني سەنىم بوستاندىعى ماسەلەلەرى جونىندەگى كوميسسياسىنىڭ وكىلدەرى قاتىستى.
قازاقستاندىق دەلەگاسيا حالىقارالىق مىندەتتەمەلەرگە سايكەس ءدىن سالاسىنداعى جاعدايدى ودان ءارى جەتىلدىرۋ جونىندەگى جوسپارلار تۋرالى ايتىپ بەردى.
امەريكالىق تاراپ قازاقستاننىڭ ادام قۇقىقتارى مەن ءدىني سەنىم بوستاندىعى سالاسىنداعى سوڭعى جەتىستىكتەرىن جاعىمدى باعالاپ، ەكى ەل اراسىنداعى ىنتىماقتاستىقتىڭ جالعاسۋىنا جانە ودان ءارى نىعايۋىنا سەنىم ءبىلدىردى.
وتىرىستا حالىقارالىق ءدىني سەنىم بوستاندىعى سالاسىنداعى ەكىجاقتى ىنتىماقتاستىق، سونداي-اق ءدىني بىرلەستىكتەردىڭ قۇقىقتارىن قورعاۋ جانە قامتاماسىز ەتۋ بويىنشا تاجىريبە الماسۋ ماسەلەلەرى جەمىستى تالقىلاندى.