اتالمىش شارا اسكەري ىنتىماقتاستىق جوسپارى نەگىزىندە ۇيىمداستىرىلعان.
الماتىداعى قورعانىس مينيسترلىگىنىڭ اسكەري مەديسينا ورتالىعىندا قازاقستان مەن اقش قورعانىس ۆەدومستۆولارى وكىلدەرىنىڭ كەزدەسۋى ءوتتى، دەپ حابارلايدى Almaty-akshamy.kz.
ەكى جاق مەديسينا قىزمەت ماماندارىن وقىتۋ دايىندىعىندا سيفرلىق تەحنولوگيالاردى قولدانۋ ماسەلەلەرىن تالقىلادى.
اتالمىش شاراعا ەكى ەلدىڭ قورعانىس ۆەدومستۆولارىنىڭ ماماندارى، سونىڭ ىشىندە اسكەري مەديسينا ورتالىعىنىڭ، راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ، اقپاراتتاندىرۋ دەپارتامەنتىنىڭ وكىلدەرى قاتىستى.
امەريكالىق ماماندار اسكەري مەديسينا ورتالىعىنداعى سىنىپتاردىڭ IT-جابدىقتارىمەن تانىستى. تاجىريبە ساباقتارىندا قازاقستاندىق دارىگەرلەر ۇرىس الاڭىندا العاشقى مەديسينالىق كومەك كورسەتۋ، جاياۋ اسكەردىڭ جاۋىنگەرلىك كولىگىنەن جارالانعانداردى شىعارۋ، سودان سوڭ ولاردى كوشىرۋ ماشىقتارىن كورسەتتى.
رەتى كەلگەندە اقش ۇلتتىق گۆاردياسىنىڭ كيبەرترانسپورت تەحنيگى ەريك دجونس ەلەكتروندى مەديسينالىق وقىتۋ تاقىرىبىندا ونلاين تۇردە بايانداما جاسادى. ول قولجەتىمدى ءبىلىم بەرۋ پلاتفورمالارى مەن باعدارلامالارىن پايدالانۋ ارقىلى تىڭداۋشىلاردى قاشىقتىقتان وقىتۋدى ۇيىمداستىرۋ ماسەلەلەرىن جان-جاقتى ايتتى.
اقپارات الماسۋ بارىسىندا ورتالىقتى سيفرلىق جابدىقتاۋ، اقپاراتتىق تەحنولوگيالار اياسىنداعى جوبالاردى ازىرلەۋ ماسەلەلەرى دە قوزعالدى.
ايتا كەتسەك، اقش-تىڭ قر-داعى ەلشىلىگىنىڭ قاۋىپسىزدىك سالاسىنداعى اسكەري ىنتىماقتاستىق كەڭسەسى ەكى ەلدىڭ قورعانىس ۆەدومستۆولارى اراسىنداعى اقپارات الماسۋدى اسكەري ىنتىماقتاستىق جوسپارى نەگىزىندە ۇيىمداستىردى.
