ەلىمىزدە جالپى ءبىلىم بەرەتىن 7550 مەكتەپ بار. ونىڭ 69،6%-ى اۋىلدا ورنالاسقان.
ۇلتتىق ستاتيستيكا بيۋروسىنىڭ مالىمەتتەرىنە سايكەس، وتكەن جىلدىڭ قورىتىندىسى بويىنشا، وتاندىق مەكتەپتەردىڭ 96،7%-ى ينتەرنەت جەلىسىنە قوسىلعان، دەپ حابارلايدى Almaty-akshamy.kz Inbusiness.kz cىلتەمە جاساپ.
اقپاراتقا سايكەس، ءبىلىم وردالارىنىڭ جالپى سانىنىڭ 67،1%-ى زاماناۋي جابدىقتارمەن، موديفيكاسيالانعان وقۋ كابينەتتەرىمەن جابدىقتالعان.
"ەلدەگى بارلىق مەكتەپ اۋىز سۋدىڭ نەگىزگى كوزدەرىنە قوسىلعان جانە قاجەت دەگەن جابدىقتارى بار بولەك دارەتحانالارمەن قامتىلعان. جىلى دارەتحانالار مەكتەپتەردىڭ 78،4 پايىزىندا عانا بار، ءبىلىم بەرۋ مەكەمەسىنىڭ 1 پايىزىندا دارەتحانالار سىرتتا ورنالاسقان"، - دەلىنگەن حابارلامادا.