قازاقستان مەكتەپتەرىندە پەداگوگ-اسسيستەنت قىزمەتى ەنگىزىلدى
مۇنداي ماماندار ەرەكشە ءبىلىم بەرۋ قاجەتتىلىكتەرى بار وقۋشىلاردى وقىتۋدا، ياعني ينكليۋزيۆتى ءبىلىم بەرۋدە سۇرانىسقا يە، دەپ حابارلايدى Almaty-akshamy.kz قازاقپارات سايتىنا سىلتەمە جاساپ. ولار بالالاردىڭ مەكتەپكە تەز ۇيرەنىپ كەتۋىنە كومەكتەسەدى. بۇل تۋرالى قازاقپارات ق ر ءبىلىم جانە عىلىم منيسترلىگىنىڭ باسپا ءسوز قىزمەتى حابارلاعان.
ءبىلىم جانە عىلىم ءمينيسترى اسحات ايماعامبەتوۆتىڭ تاپسىرماسى بويىنشا ەلىمىزدىڭ بارلىق وڭىرىندە 700-گە جۋىق پەداگوگ-اسسيستەنت جۇمىسقا كىرىستى. ايتا كەتەيىك، ق ر بعم-مەن ەرەكشە ءبىلىم بەرۋ قاجەتتىلىكتەرى بار بالالاردى وقىتۋ ءۇشىن قولايلى جاعداي جاساۋ بارىسىندا جۇمىس اتقارىلىپ جاتىر.
«بۇل ءمۇعالىمدى الماستىرۋ دەگەن ءسوز ەمەس. پەداگوگ-اسسيستەنتتەردىڭ الدىندا پەداگوگيكا مەن پسيحولوگيا توعىسىندا ەرەكشە ماقسات-مىندەتتەر قويىلعان. اتاپ ايتساق، بالالاردى باعىتتاۋ، ولاردىڭ وقۋ پروسەسىنە بەيىمدەلۋلەرىنە كومەكتەسۋ. اڭگىمە ەرەكشە قاجەتتىلىكتەرى بار بالالار تۋرالى بولعاندىقتان، پەداگوگ-اسسيستەنت تەحنيكالىق قولداۋ دا كورسەتە الادى. ماسەلەن، ەگەر بالا ءوز بەتىنشە قوزعالا الماسا. نەمەسە ەگەر بالاعا دەفەكتولوگتىڭ كومەگى قاجەت بولسا، پەداگوگيكالىق قولداۋ قاجەت. ءبىز بۇل جۇمىستا بەلسەندىلىك تانىتىپ جۇرگەن ۇكىمەتتىك ەمەس ۇيىمدارعا ريزاشىلىعىمىزدى بىلدىرەمىز»، - دەدى ق ر بعم مەكتەپكە دەيىنگى جانە ورتا ءبىلىم كوميتەتىنىڭ ءتورايىمى گۇلميرا كارىموۆا.
بۇدان باسقا، پەداگوگ-اسسيستەنت ەرەكشە ءبىلىم بەرۋ قاجەتتىلىگى بار بالالارعا ارنالعان جەكە ءبىلىم بەرۋ باعدارلامالارىن ازىرلەۋگە قاتىسادى. قاجەت بولعان جاعدايدا وقۋ باعدارلامالارى ءبىلىم الۋشىلاردىڭ قاجەتتىلىكتەرىنە بەيىمدەلەدى. ولار وتكەن ماتەريالدى يگەرۋگە عانا ەمەس، سونىمەن قاتار ەرەكشە قاجەتتىلىكتەرى بار بالانىڭ داعدىلارىن دامىتۋ ديناميكاسىن باقىلاۋعا كومەكتەسەدى. سونىمەن قاتار ەرەكشە ءبىلىم بەرۋ قاجەتتىلىكتەرى بار بالالاردىڭ قاۋىپسىزدىگى مەن دەنساۋلىعىن ساقتاۋ ءۇشىن قاجەتتى جاعدايلاردىڭ ساقتالۋىن قاداعالايدى.
«مينيسترلىك پەداگوگ-اسسيستەنتتەردى باسقا دا ءبىلىم بەرۋ ۇيىمدارىنا قوسۋ، سونداي-اق ولاردىڭ جۇمىس جۇكتەمەسىن انىقتاۋ بويىنشا جۇمىس جۇرگىزىپ جاتىر»، - دەلىنگەن ق ر بعم باسپا ءسوز قىزمەتىنىڭ حابارلاماسىندا.