ءماسليحات دەپۋتاتى مەكتەپتەردەگى جاپسارجاي قۇرىلىسىنىڭ بارىسىن تەكسەرەدى

الماتى قالاسى ءماسليحاتىنىڭ دەپۋتاتى ەربولات قاسىموۆ №132 مەكتەپ-گيمنازياسى جانىنداعى جاپسارجاي قۇرىلىسىنىڭ بارىسىن تەكسەردى، دەپ حابارلايدى almaty-akshamy.kz

قازىرگى ۋاقىتتا مەكتەپ-گيمنازيادا 2000-عا جۋىق وقۋشى ءبىلىم الۋدا. وسىعان بايلانىستى وقۋشىلاردىڭ تىعىزدىعىن ازايتۋعا كومەكتەسەتىن جاپسارجاي سالىنۋدا.

نىسان قۇرىلىسىنىڭ جوباسىنا قوسىمشا وقۋ مەكەمەسى عيماراتىنىڭ سەيسموتۇراقتىلىعىن كۇشەيتۋ قوسىلعان بولاتىن.

دەپۋتات الماتى قالاسى اكىمدىگىنىڭ، سونداي-اق اۋەزوۆ اۋدانى اكىمدىگىنىڭ جاۋاپتى باسقارمالارى مەن بولىمدەرى وكىلدەرىنىڭ قاتىسۋىمەن قۇرىلىس بارىسىن تەكسەرىپ، تۇرعىندارمەن جانە وقۋشىلاردىڭ اتا-انالارىمەن كەزدەستى.

مەكتەپتىڭ قوسىمشا قۇرىلىسى تەك وقۋ سىنىپتارىن عانا ەمەس، سونىمەن قاتار زاماناۋي سپورت زالىن، اسحانانى دا قامتيتىن بولادى جانە 4 بلوكقا بولىنەدى. عيماراتتىڭ سىيىمدىلىعى 880 وقۋشىعا ارنالعان، بۇل جاڭا مەكتەپتىڭ سىيىمدىلىعىنا تەڭ. قالا بويىنشا جاقىن ارادا تاعى 6 عيمارات اشىلادى. قالعان 8 نىسان اعىمداعى جىلدىڭ قاراشا ايىنىڭ سوڭىنا دەيىن پايدالانۋعا بەرىلەدى.

ەستەرىڭىزگە سالساق، الماتى قالاسىنىڭ دامۋ جوسپارلارىمەن تانىسۋ بارىسىندا مەملەكەت باسشىسى ق.ك. توقايەۆ قالانىڭ ازاماتتار ءۇشىن قولايلى مەگاپوليس رەتىندە ودان ءارى دامۋىنا نازار اۋداردى، بۇل شاھارىمىزدىڭ ءبىلىم بەرۋ سالاسىنىڭ ينفراقۇرىلىمىن دامىتۋدى دا قامتيدى.

بۇعان دەيىن قالا اكىمى الاتاۋ، ناۋرىزباي جانە تۇركسىب اۋداندارىندا 12 600 ورىندىق 8 مەملەكەتتىك مەكتەپ سالىنىپ جاتقانىن، ونىڭ ىشىندە ءۇش مەكتەپ جىل سوڭىندا اشىلاتىنىن اتاپ وتكەن بولاتىن.