قازاقستان كومىرىنەن فارماسيەۆتيكالىق جانە حيميالىق ءونىمنىڭ 300-گە جۋىق ءتۇرى وندىرىلەدى. بۇل تۋرالى رەسپۋبليكالىق تاۋ-كەن ءوندىرۋشى جانە تاۋ-كەن مەتاللۋرگيالىق كاسىپورىندار قاۋىمداستىعىنىڭ اتقارۋشى ديرەكتورى نيكولاي رادوستوۆەس ايتتى، دەپ حابارلايدى قalmaty-akshamy.kz
«كومىرىمىز، اسىرەسە، شۇباركول كومىرى باسەكەگە وتە قابىلەتتى. ودان فارماسيەۆتيكالىق جانە حيميالىق ءونىمنىڭ 300-گە جۋىق ءتۇرى وندىرىلەدى. كومىردىڭ از جاعىلۋىنا بايلانىستى ءوندىرىس كولەمى قىسقارعان جاعدايدا كومىر كەنشىلەرىنە نە ىستەۋ كەرەكتىگىن ەشكىم ايقان جوق. بىزگە كومىر كەنىشتەرىنىڭ توڭىرەگىنە ينۆەستورلار كەلۋى ءۇشىن ەركىن ەكونوميكالىق اۋماق قۇرۋعا مۇمكىندىك بەرىڭىزدەر»، - دەدى ول ەلوردادا ءوتىپ جاتقان Astana Mining & Metallurgy 11ء-شى تاۋ-كەن مەتاللۋرگيالىق كونگرەسى اياسىندا ۇيىمداستىرىلعان بريفينگتە.
ونىڭ اتاپ وتۋىنشە، اتالعان ەركىن ەكونوميكالىق ايماققا كەلگەن ينۆەستورلارعا سالىقتان جانە ودان باسقا دا جەڭىلدىكتەر بەرۋ قاجەت.
«ولار 5-10 جىل بويى سالىقتى مۇلدەم تولەمەي-اق قويسىن. ءبىراق، ولار كومىرىمىزدەن ءبىز ءقازىر ساتىپ الىپ وتىرعان حيميالىق جانە فارماسيەۆتيكالىق ونىمدەردى شىعارا باستايدى. ءبىز قوسىلعان قۇنى ءبىرشاما ونىمدەردى ساۋدالايتىن بولامىز»، - دەدى نيكولاي رادوستوۆەس.