جاپونيانىڭ كيتاكيۋسيۋ قالاسىندا سپورتتىق گيمناستيكادان الەم چەمپيوناتى ءوتىپ جاتىر. بۇل تۋرالى بۇرىن دا حابارلاعانبىز.
قازاقستان كومانداسى الەم چەمپيوناتىندا جارىس جولىنا شىعادى، دەپ حابارلايدى Almaty-akshamy.kz Olympic.kz سايتىنا سىلتەمە جاساپ.
الەم بىرىنشىلىگىنە قازاقستان كومانداسىنان بەس سپورتشى قاتىسادى. جەكەلەگەن سناريادتاردا ءار كوماندادان ءۇش گيمناستان ب ا ق سىناۋعا مۇمكىندىك بەرىلەدى. ەركىن جاتتىعۋدا ميلاد كاريمي، ءىلياس ازيزوۆ، فارۋح نابييەۆ سىنعا تۇسەدى.
گيمناستيكالىق ات سناريادىندا ناريمان كۋربانوۆ، ءىلياس ازيزوۆ پەن ميلاد كاريميگە سەنىم ارتامىز. شىعىرشىق پەن قول تىرەپ سەكىرۋدەن كاريمي جانە نابييەۆ ب ا ق سىنايدى. قوسسىرىقتاعى جاتتىعۋعا كاريمي مەن نابييەۆتەن بولەك، يلفرات يماردجانوۆ قاتىسادى.
ال گيمناستيكالىق كەرمەدەگى جاتتىعۋدا كاريمي، نابييەۆ جانە ازيزوۆ ەل نامىسىن قورعايدى.
ايتا كەتەلىك، كوپسايىستا الەم چەمپيوناتىنىڭ فينالىنا 24 سپورتشى شىعادى. ال جەكەلەگەن سناريادتار بويىنشا اقتىق سىنعا 8 سپورتشى جولداما الادى.