ەكسپورت 3،6 ەسەگە ءوسىپ، 609،2 ملن اقش دوللارىن قۇراعان.
بيىل جىل سوڭىنا قاراي كانادا مەن قازاقستان اراسىنداعى تاۋار اينالىمى 1 ميلليارد دوللارعا جەتۋى مۇمكىن، دەپ حابارلايدى Almaty-akshamy.kz Egemen.kz سىلتەمە جاساپ.
«تاۋار اينالىمى ايتارلىقتاي تابىستى جانە سەرپىندى دامىپ كەلەدى. وكىنىشكە قاراي، 2020 جىلى رەسەسسيا بولدى، پاندەميا دامۋعا تۇزەتۋلەر ەنگىزدى. 2019 جىلى جاقسى ديناميكا كورسەتسە، ال 2021 جىلى كورسەتكىش وتە تومەن بولدى. 2021 جىلى ءبىز 380 ميلليون دوللار تىكەلەي ينۆەستيسيا تارتتىق، تاۋار اينالىمى 700 ميلليون دوللارعا جەتتى. بيىلعى جىلدىڭ قاڭتار-تامىز ايلارىنداعى تاۋار اينالىمى 700 ميلليون دوللاردان استى، بيىلعى جىلدىڭ سوڭىنا دەيىن 1 ميلليارد دوللارعا جەتەمىز دەگەن ۇمىتتەمىز»، دەدى قازاقستان-كانادا ىسكەرلىك كەڭەسىنىڭ V مەرەيتويلىق وتىرىسى اياسىندا قازاقستاننىڭ كاناداداعى ەلشىسى اقىلبەك كامالدينوۆ.
سونداي-اق قازاقستاننان كاناداعا ەكسپورت 3،6 ەسەگە ءوسىپ، 609،2 ملن اقش دوللارىن قۇراعان.
اقىلبەك كامالدينوۆتىڭ ايتۋىنشا، قازاقستان ودان ءارى وڭدەۋ ءۇشىن كانادا نارىعىنا ۋران جەتكىزۋدە ءبىرىنشى ورىندا تۇر. جالپى كانادالىق ىسكەر توپتار قازاقستان ەكونوميكاسىنىڭ ءتۇرلى سالالارىنا ۇلكەن قىزىعۋشىلىق تانىتىپ وتىر. مۇندا ەكونوميكانىڭ، كليماتتىڭ جانە اۋماقتىڭ ۇقساس قۇرىلىمى ماڭىزدى ءرول اتقاردى.