قازاقستان رەسپۋبليكاسى پرەزيدەنتىنىڭ جانىنداعى ورتالىق كوممۋنيكاسيالار قىزمەتىنىڭ الاڭىندا وتكەن بريفينگ بارىسىندا ق ر ونەركاسىپ جانە قۇرىلىس ۆيسە-مينيسترى تيمۋر قاراعويشين قازاقستان جوبالاۋشىلارىنىڭ رەسپۋبليكالىق وداعىنىڭ ۇجىمدىق ۇندەۋىنە جاۋاپ بەردى، دەپ حابارلايدى Almaty-akshamy.kz ق ر قۇرىلىس جانە ونەركاسىپ مينيسترلىگىنە سىلتەمە جاساپ.
ۆيسە-مينيستر اتاپ وتكەندەي، كەيبىر دەپۋتاتتاردىڭ قۇرىلىس كودەكسىنىڭ جوباسىنا قاتىستى سىنىنا قاراماستان، جوبالاۋشىلار پارلامەنت ماجىلىسىنە كىرگەن رەداكسيانى قولدايدى.
كاسىبي قوعامداستىق ءوز ۇندەۋىندە 3 باعىتتاعى ۇسىنىستارىن جولدادى:
بىرىنشىدەن، جوسپارلاۋ ساتىنەن باستاپ پايدالانۋعا بەرگەنگە دەيىن جوبانى كەشەندى ىسكە اسىرۋ مۇمكىندىگىمەن وبەكتىنى ءبىر بىلىكتى ورىنداۋشىعا بەرە وتىرىپ، قولدانىستاعى تەتىكتى قايتا قاراۋ.
ەكىشىدەن، تەحنيكالىق-ەكونوميكالىق نەگىزدەمە ءتارتىبىن ەكى ساتىلى جوبالاۋدىڭ «جوبا» ساتىسىنا ەنگىزۋ ارقىلى جوبالاۋ پروسەسىن جەڭىلدەتۋ.
ۇشىنشىدەن، تەحنيكالىق جانە اۆتورلىق قاداعالاۋدىڭ ينجينيرينگتىك قىزمەتتەرىن بىرىكتىرىپ، جوبالاۋ ۇيىمىنىڭ باسشىلىعىنا بەرۋ.
«ۋاكىلەتتى ورگان بۇل ۇسىنىستاردى قولدايدى. سونىمەن قاتار، ءبىرىنشى جانە ەكىنشى ۇسىنىس بويىنشا جۇمىس بەلسەندى جۇرگىزىلۋدە. ءبىز بۇل ۇسىنىستاردى تۇبەگەيلى، ۋاقىتىلى جانە نەگىزدەلگەن دەپ سانايمىز»، - دەدى تيمۋر قاراعويشين.
جاڭا تاسىلدەردى اتاپ وتسە، قۇرىلىس ىستەرى جونىندەگى كوميتەت «تەحنيكالىق تاپسىرىس بەرۋشى» قىزمەتىن ەنگىزۋ بويىنشا تۇزەتۋلەر ازىرلەدى، ول جوسپارلاۋ ساتىنەن باستاپ وبەكتىنى پايدالانۋعا بەرگەنگە دەيىنگى جوبانى ىسكە اسىرۋدىڭ بارلىق كەزەڭدەرىن قامتيتىن بولادى. تەحنيكالىق تاپسىرىس بەرۋشىنىڭ نەگىزى جوبانى ازىرلەۋشىگە جانە ينجەنەرلىك قۇرامعا، ونىڭ ىشىندە جوبانى باسقارۋشىعا جاۋاپكەرشىلىككە باسا نازار اۋدارا وتىرىپ، جوبالىق ۇيىم بولىپ تابىلادى. بۇل ءتاسىل قۇرىلىس پروسەسىن وڭتايلاندىرادى جانە كەشەندى دامۋدى جۇيەلى تۇردە جۇزەگە اسىرۋعا مۇمكىندىك بەرەدى.
بۇدان باسقا، جوبالاۋ پروسەسىن وڭتايلاندىرۋ شەڭبەرىندە قۇرىلىس وبەكتىلەرى بويىنشا تەحنيكالىق-ەكونوميكالىق نەگىزدەمەنى ەكى ساتىلى جوبالاۋدىڭ «جوبا» ساتىسىنا ينتەگراسيالاي وتىرىپ، جوبالاۋ الدىنداعى قۇجاتتاما قۇرامىنان الىپ تاستاۋدى كوزدەيتىن تۇزەتۋلەر ازىرلەندى.
بۇل قۇرىلىس-مونتاجداۋ جۇمىستارى باستالعانعا دەيىنگى مەرزىمدەردى شامامەن 1،5 جىلعا قىسقارتۋعا، پروسەستەردىڭ اشىقتىعىن قامتاماسىز ەتۋگە، سونداي-اق ينۆەستيسيالىق كليماتتى جاقسارتۋ بويىنشا تيىمدىلىكتى ارتتىرۋعا مۇمكىندىك بەرەدى.
سونىمەن قاتار، ۆيسە-مينيستر جوبالاۋشىلاردىڭ جوبالاۋ ۇيىمىنىڭ باسقارۋىمەن اۆتورلىق جانە تەحنيكالىق قاداعالاۋدىڭ ينجينيرينگتىك قىزمەتتەرىن بىرىكتىرۋ باستاماسىن تولىق قولدايدى.
«ءبىز بۇل باستامانى بۇگىنگى كۇنى بۇل قىزمەتتەر ءبىر-بىرىن قايتالاپ قانا قويماي، جاۋاپكەرشىلىكتى دە بۇلدىراتاتىندىعىنا، سونداي-اق سىبايلاس جەمقورلىق ورتاسىن دامىتۋدىڭ كاتاليزاتورى بولىپ تابىلاتىندىعىنا بايلانىستى قولدايمىز»، - دەپ اتاپ ءوتتى تيمۋر قاراعويشين.
وسى ينجينيرينگتىك قىزمەتتەردى جوبالاۋ ۇيىمىنىڭ باسقارۋىمەن بىرىكتىرۋ جوبانى قۇرىلىس كەزەڭىندە ازىرلەگەن ينجەنەرلەردىڭ ساپالى سۇيەمەلدەۋىن قامتاماسىز ەتەدى، سونداي-اق جوبانى دۇرىس تۇسىندىرمەۋ جاعدايلارىن بولدىرمايدى. بۇدان باسقا، تەحنيكالىق قاداعالاۋدى جۇزەگە اسىراتىن مەردىگەردى تاڭداۋ بويىنشا كونكۋرس وتكىزۋ مەرزىمدەرى قىسقارادى، بۇل قىزمەت جوبا اۆتورىنىڭ ايرىقشا قۇقىعى نەگىزىندە ساتىپ الىناتىن بولادى.