پاريجدە ەكونوميكالىق ىنتىماقتاستىق جانە دامۋ ۇيىمىنىڭ جەمقورلىققا قارسى كۇرەس جونىندەگى جاھاندىق فورۋمى ءوتىپ جاتىر.
جىل سايىن وعان الەمنىڭ 90 ەلىنەن جەتەكشى ماماندار قاتىسادى، دەپ حابارلايدى Almaty-akshamy.kz 24.kz-كە سىلتەمە جاساپ.
بيىل ولاردىڭ اراسىندا قازاقستاندىق دەلەگاسيا دا بار. فورۋم الاڭىندا ساراپشىلار ۇيىم حاتشىلىعى وكىلدەرىمەن كەزدەسىپ، جەمقورلىقپەن كۇرەس سالاسىندا ەكونوميكالىق ىنتىماقتاستىق جانە دامۋ ۇيىمى ستاندارتتارىن بەكىتۋ ماسەلەلەرىن تالقىلادى. ەستەرىڭىزگە سالا كەتەيىك، قازاقستان ستامبۋل ىس-ارەكەت جوسپارى مونيتورينگىنىڭ ءتورت كەزەڭىنەن ءساتتى ءوتىپ، ەكونوميكالىق ىنتىماقتاستىق جانە دامۋ ۇيىمىنىڭ ساراپشىلارى ۇسىنىمدارىنىڭ باسىم بولىگىن ورىندادى. وسىلايشا شەتەلدىك لاۋازىمدى تۇلعالاردىڭ پارا الۋىنا قارسى كۇرەس جونىندەگى كونۆەنسياعا قوسىلۋعا ءبىر قادام جاقىندادى.
«ءىس-شارادا ءوزارا ءىس-قيمىل جانە قۇقىقتىق كومەك كورسەتۋ، اكتيۆتەردى قايتارۋ، وەسر ستاندارتتارىن ساقتاۋ، جانە بيۋدجەتتىڭ اشىقتىعى تۋرالى ماسەلەلەر تالقىلاندى. وسى فورۋمنىڭ اياسىندا ءبىز اگەنتتىكتىڭ قىزمەتى جانە ەلدەگى جەمقورلىققا ءىس-قيمىل بويىنشا قابىلدانىپ جاتقان شارالار تانىستىرىلدى»، - دەيدى ق ر سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اسحات جۇماعالي.