ارىقتار مەن نوسەر اعىندارىنا قوقىسپەن بىتەپ تاستاعان الماتىلىقتارعا ايىپپۇل سالىنادى
«985 توننا قوقىس»: ارىقتار مەن نوسەر اعىندارىن قوقىسپەن بىتەپ تاستاعانى ءۇشىن الماتىدا ايىپپۇل سالىناتىن بولادى، دەپ حابارلايدى Almaty-akshamy.kz الماتى قالاسى كوممۋنالدىق ينفراقۇرىلىمدى دامىتۋ باسقارماسىنىڭ مالىمەتىنە سىلتەمە جاساپ.
«قازگيدرومەت» رمك بولجامى بويىنشا، 28-30 ناۋرىز ارالىعىندا الماتى قالاسىندا جاڭبىر تۇرىندە جاۋىن-شاشىن كۇتىلۋدە.
بۇگىنگى كۇنى قالانىڭ كوممۋنالدىق قىزمەتتەرىنىڭ كۇشىمەن ارىق جەلىلەرىن، ارىق وتكەلدەرىن جانە قوقىس توگىلگەن «ويىق جەرگە» تازالاۋ جۇمىستارى جۇرگىزىلدى. 27 ناۋرىزداعى جاعداي بويىنشا، 985 توننا قوقىس پەن لاي شىعارىلدى. بارلىق ارىق جەلىلەرى تازالانعان.
جاۋىن-شاشىن كەزىندە سۋ باسۋدىڭ الدىن الۋ ءۇشىن موتوپومپالارمەن جانە شانس قۇرالدارىمەن جابدىقتالعان 52 جەدەل ءموبيلدى بريگادانىڭ كەزەكشىلىگى ۇيىمداستىرىلاتىن بولادى. 2 مىڭ قاپ قۇم دايىندالعان. اۋداندىق اكىمدىكتەردە جۇمىستى باقىلاۋ بويىنشا تاۋلىك بويى كەزەكشىلىك جۇرگىزىلەدى.
سۋ تاسقىنىنىڭ الدىن الۋ ءۇشىن قالا تۇرعىندارىنان ارىقتاردى، نوسەر اعىندارى مەن كانالداردى قالدىقتارمەن بىتەپ تاستاماۋدى سۇرايمىز. اقبتك-نىڭ 505-بابى بويىنشا «قالالار مەن ەلدى مەكەندەردىڭ اۋماقتارىن اباتتاندىرۋ قاعيدالارىن بۇزۋ، سونداي-اق ينفراقۇرىلىم وبەكتىلەرىن بۇزۋ، قالا مەن ەلدى مەكەندەردىڭ جاسىل جەلەكتەرىن جويۋ جانە زاقىمداۋ» بويىنشا بۇزۋشىلار اكىمشىلىك جاۋاپكەرشىلىككە تارتىلاتىنىن قوسىمشا حابارلايمىز، بۇل ەسكەرتۋگە نەمەسە 20 اەك مولشەرىندە ايىپپۇل سالۋعا اكەپ سوعادى.