ماجىلىسكە جانە جەرگىلىكتى ءماسليحاتتارعا حالىققا جانى اشيتىن ءبىلىمدى تۇلعالاردى تاڭداۋ كەرەك.
الماتى قالاسىنداعى سايلاۋ ۋچاسكەلەرىنىڭ بىرىندە قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت داۋىس بەردى، دەپ حابارلايدى Almaty-akshamy.kz
قازاقستان جازۋشىلار وداعىنىڭ ءتوراعاسى، قازاقستاننىڭ ەڭبەك سىڭىرگەن قايراتكەرى، اقىن ۇلىقبەك ەسداۋلەت بۇگىنگى سايلاۋ ناۋقانىندا داۋىس بەرۋىنىڭ ماقساتى – ماجىلىسكە جانە جەرگىلىكتى ءماسليحاتتارعا حالىققا جانى اشيتىن ءبىلىمدى تۇلعالاردى تاڭداۋ ەكەنىن ايتادى.
«ەلىمىزدى جاڭارتۋ، ادىلەتتى قازاقستان قۇرۋ، ءادىل قوعام قۇرۋ – وڭاي شارۋا ەمەس. ونىڭ ءبىر باسى، ارينە، زاڭدارعا كەلىپ تىرەلەدى. سوندىقتان پارلامەنتتە وتىراتىن ەرتەڭگى زاڭ قابىلداۋشى تۇلعالار جان-جاقتى ءبىلىمدى، زيالى جانە ەلىنە-جەرىنە، حالقىنا جانى اشيتىن ادام بولۋى كەرەك. ءبىز بۇگىنگى سايلاۋدا پارلامەنتكە ءدال سونداي تۇلعالاردى، ەل مۇڭ-مۇقتاجىن كورە بىلەتىن، ايتا بىلەتىن جانە زاڭ جۇزىندە ىسكە اسىرا الاتىن ادامداردى تاڭداۋ ءۇشىن ءوز داۋسىمىزدى بەردىك. سايلاۋ ۋچاسكەسىنە كەلگەندەگى ويىم وسىنداي بولدى»، – دەدى ۇ.ەسداۋلەت.