شىعارماشىلىق بىرلەستىكتىڭ ءتوراعاسى ۇلىقبەك ەسداۋلەت الماتىلىقتاردى كوروناۆيرۋسقا قارسى ەكپە الۋعا شاقىردى، دەپ حابارلايدى Almaty-akshamy.kz.
ول مەگاپوليستىڭ كوپتەگەن جىلدار بويى قازاقستاننىڭ مادەني استاناسى بولىپ سانالاتىنىن، سوندىقتان شىعارماشىلىق كاسىپتەردىڭ بارلىق وكىلدەرى وقىرمان مەن كورەرمەندەرگە قۋانىش سىيلاۋ ءۇشىن قالىپتى ءومىر سالتىنا ورالۋدى ارماندايتىنىن ايتتى.
قالىپتى ومىرگە تەك ۆاكسينا ارقىلى ورالۋعا بولادى. ۇ. ەسداۋلەتتىڭ ايتۋىنشا، ءبىر جارىم جىلدان استام ۋاقىت بويى ءبىزدىڭ ەلىمىز كوروناۆيرۋستىق ىندەتپەن كۇرەسىپ كەلەدى، ءبىراق ينفەكسيا مەن جاڭا "دەلتا" شتامىنىڭ تارالۋى جالعاسۋدا. بۇل مادەنيەت سالاسىنداعى بارلىق جەتىستىكتەردى جوققا شىعارۋى مۇمكىن.
"ەگەر ءقازىر ۆاكسينادان وتپەسەك، ءبىزدى جاڭا تولقۋلار مەن لوكداۋندار كۇتىپ تۇر، ءبىز ادامداردان ايىرىلامىز. ۆيرۋس ءار وتباسىنا ءقاۋىپ توندىرەدى. بولاشاقتى ءار ادام ءۇشىن ءقاۋىپسىز ءارى جارقىن ەتەيىك. ءبىزدىڭ بالالار تەاترعا، مۇراجايلارعا بارۋعا، فيلمدەر كورۋگە، جاندى مۋزىكا تىڭداۋعا، مەكتەپتە وقۋعا ءتيىس. قازىرگى جاعدايدا قالۋعا بولمايدى. وسىنداي جاعدايدا بالالار مەن جاستاردىڭ، بۇكىل قوعامنىڭ ۇيلەسىمدى دامۋى مۇمكىن ەمەس"، – دەدى قازاقستان جازۋشىلار وداعىنىڭ باسشىسى.
ۇ. ەسداۋلەت ەكپەدەن قورقۋدىڭ سەبەبىن كورمەيدى. ۆاكسينا العان ازاماتتاردىڭ قورعانىس دەڭگەيى جوعارى، ال ۆاكسيناعا قارسى ادامدار ينفەكسيادان جانە اۋرۋدىڭ اۋىر اعىمىنان قورعالمايدى. شىعارماشىلىق بىرلەستىكتىڭ باسشىسى، ەگەر بۇل اۋرۋدان قورعانۋعا مۇمكىندىك بولسا، وعان توزۋگە بولمايدى دەپ سانايدى.
ەسكە سالساق، وتكەن اپتانى الدىڭعى اپتامەن سالىستىرعاندا، كۆي جاعدايلارىن تىركەۋ 1،4 ەسە ءوستى. ەپيدەميولوگتاردىڭ مالىمەتتەرى بويىنشا، الماتى قالاسىندا COVID-19 كەزەكتى ءتورتىنشى تولقىنىنىڭ شىرقاۋ شەگى تامىز ايىنىڭ ورتاسىندا قىركۇيەك ايىنىڭ باسىندا تومەندەيدى دەپ كۇتىلۋدە. تامىز ايىندا 34،5 مىڭ جاعداي، قىركۇيەكتە 4،5 مىڭ جاعداي بولادى دەپ بولجانۋدا. "دەلتا" نۇسقاسىنىڭ تارالۋىنا جول بەرمەۋ كەرەك جانە مۇنى تەك ۆاكسينا ارقىلى جاساۋعا بولادى.
ايتا كەتەرلىگى، بۇكىل الەمدە كوروناۆيرۋسقا بايلانىستى جاعداي ۋشىعىپ تۇر. مىسالى، رەسەيدە سوڭعى تاۋلىكتە رەسەيدە كوروناۆيرۋستىق ينفەكسيانىڭ جاڭا ءتۇرىن جۇقتىرۋدىڭ تاعى 23 807 جاعدايى تىركەلدى. ەلدە ءبىر كۇندە 792 ادام قايتىس بولدى. سانكت-پەتەربۋرگتە - 74، ماسكەۋدە - 73، كراسنودار وڭىرىندە - 32. رەسەي فەدەراسياسىنداعى COVID-19-دان قايتىس بولعانداردىڭ جالپى سانى 158 563-كە جەتتى.
سونىمەن قاتار، اقش-تاعى كوروناۆيرۋستىق گوسپيتاليزاسيا سانى رەكوردتىق دەڭگەيگە جەتتى. 28 شىلدەدە، تۇتاستاي العاندا، اقش-تا كوروناۆيرۋس ينفەكسياسى راستالعان 6 837 ادام اۋرۋحاناعا جاتقىزىلدى.
يزرايلدەگى سوڭعى ۋاقىتتا قايعىلى جاعداي ورىن العان، وندا 2143 جاڭا كوروناۆيرۋس ينفەكسياسى انىقتالدى، ال وڭ سىناقتاردىڭ ۇلەسى 2،37% بولدى.
ەپيدەميولوگيالىق جاعدايدىڭ ناشارلاۋى گەرمانيادا دا بايقالادى. 30 شىلدەدەگى مالىمەت بويىنشا، وندا 3،8 ميلليونعا جۋىق كوروناۆيرۋس ينفەكسياسى تىركەلدى، ال سوڭعى اپتالاردا اۋرۋ-سىرقاۋ وسۋدە.