ۆاكسينا باعاسى كوتەرىلدى
Pfizer مەن Moderna فارماسيەۆتيكا كومپانيالارى ەۋرووداق ءۇشىن كوروناۆيرۋسقا قارسى ۆاكسينانىڭ باعاسىن كوتەردى، دەپ حابارلايدى Almaty-akshamy.kz. Coronavirus2020.kz سىلتەمە جاساپ.
بريتاندىق Financial Times گازەتىنىڭ حابارلاۋىنشا، ەندى Pfizerء-دىڭ ءبىر دوزاسى 19،50 ەۋرو تۇرادى. بۇدان بۇرىن ونىڭ قۇنى 15،50 ەۋرو بولعان. وسىلايشا، نەمىس-اعىلشىن ۆاكسيناسى 25%-عا قىمباتتاعان. وسى ۋاقىتتا Moderna پرەپاراتىنىڭ ءبىر دوزاسى 19-دان 21،50 ەۋروعا دەيىن كوتەرىلدى. وندىرۋشىلەردىڭ ايتۋىنشا، سىناقتىڭ ءۇشىنشى كەزەڭى ۆاكسينانىڭ مرنق-سى ۆەكتورلىق پرەپاراتتارعا قاراعاندا تيىمدىرەك ەكەنىن كورسەتكەن. ودان بولەك، AstraZeneca مەن Johnson&Johnson ارزان ۆاكسينالارىنا قاراعاندا، جاناما اسەرلەردىڭ پايدا بولۋ ءقاۋپى تومەنىرەك بولىپ شىقتى.
Financial Times جۋرناليستەرى ەۋرووداقتىڭ ۆاكسينالاردى جاڭا باعامەن الۋعا كەلىسكەنىن انىقتادى. پرەپاراتتىڭ قۇنىن قايتا قاراۋ ءبىرقاتار ەۋروپا ەلدەرىنىڭ حالىققا ۆاكسينانىڭ ەكى دوزاسىن سالدىرعاننان سوڭ جارتى جىل وتكەننەن كەيىن ءۇشىنشى دوزانى سالدىرۋ جونىندە شەشىم قابىلداپ جاقتان تۇستا جۇرگىزىلدى.