بۇل رەيتينگتە مەملەكەتتەردىڭ قايتا وڭدەلەتىن ەنەرگيا، يننوۆاسيا مەن جاسىل قارجىلاندىرۋعا ينۆەستيسيا سالۋى باستى نازارعا الىنادى.

قازاقستان الەمدىك The Green Future Index رەيتينگىندە 76 ەلدىڭ ىشىندە 33-ورىنعا شىقتى، دەپ حابارلايدى Almaty-akshamy.kz ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ باسپا ءسوز قىزمەتىنە سىلتەمە جاساپ.

زەرتتەۋ ناتيجەسى ماسساچۋسەتس تەحنولوگيالىق ينستيتۋتىنىڭ كليماتتىڭ وزگەرۋى پروبلەمالارىنا باعىتتالعان MIT Technology Review پورتالىندا جاريالاندى.

اتالعان رەيتينگتە جەتەكشى ەلدەردىڭ كومىرتەكسىز كەلەشەكتى قالىپتاستىرۋداعى پروگرەسى، ەكونوميكانىڭ - ەنەرگەتيكا، اۋىل شارۋاشىلىعى، يندۋستريا، الەۋمەتتىك سالالارىنىڭ جاسىل تەحنولوگياعا كوشۋى ەسەپكە الىنادى. ياعني، مەملەكەتتەردىڭ قايتا وڭدەلەتىن ەنەرگيا، يننوۆاسيا مەن جاسىل قارجىلاندىرۋعا ينۆەستيسيا سالۋى باستى نازارعا الىنادى.

كورسەتىلگەن كەستەدە زەرتتەلگەن ەكونوميكا سالالارىنىڭ بىر-بىرىنە قاتىناسى كورسەتىلىپ، كومىرتەك شىعارىندىلارى، جاسىل قوعام، ەنەرگەتيكالىق اۋىسۋ، تازا يننوۆاسيالار جانە كليمات سالاسىنداعى ساياسات باعىتتارى بويىنشا ورتاق باعا شىعارىلعان. قازاقستان 4،9 بال الىپ، 2030 جىلعا قاراي جاڭارتىلاتىن ەنەرگيا كوزدەرىنەن ەلەكتر قۋاتىن ءوندىرۋ ۇلەسىن 30%-عا جەتكىزۋ كوزدەلىپ وتىرعانى اتاپ وتىلگەن.

العاشقى بەستىككە يسلانديا، دانيا، نورۆەگيا، فرانسيا مەملەكەتتەرى جايعاسسا، سوڭعى ورىنداردا الجير، رەسەي، يران، پاراگۆاي، كاتار مەملەكەتتەرى تۇر.