ناۋرىزباي قاجى شاريعاتتا ۆاكسينا سالۋعا تىيىم سالىنباعانىن اتاپ ءوتىپ، بۇكىل حالىقتى يممۋنداۋ ناۋقانىنا قاتىسۋعا شاقىردى.
قازاقستان مۇسىلماندارى ءدىني باسقارماسىنىڭ ءتوراعاسى قازاقستاندىق QazVac ەكپەسىنىڭ ءبىرىنشى كومپونەنتىن الدى دەپ حابارلايدى Almaty-akshamy.kz حابار 24 تەلەارناسىنا سىلتەمە جاساپ.
ناۋرىزباي قاجىنىڭ ايتۋىنشا، كوروناۆيرۋستى تەك ەكپە سالعىزۋ ارقىلى جەڭىپ، بۇرىنعى ءومىر ءسۇرۋ قالپىنا ورالۋعا بولادى.
«اۋىرىپ ەم ىزدەگەنشە، اۋىرمايتىن جول ىزدە» دەيدى. جالپى يسلام شاريعاتىندا ءزارۋ جاعدايدا ەكپە سالدىرۋعا رۇقسات ەتەدى. اللا تاعالا قۇراندا ايتادى: «ءوز قولىڭىزبەن ءوز دەنساۋلىعىڭىزعا قيانات جاساماڭىزدار». پايعامبارىمىزدىڭ ءحاديسى بار. «ءاربىر دەرتتى اللا تاعالا ونىڭ شيپاسىمەن قوسا جاراتقان» دەيدى ول. ىندەتتىڭ الدىن الۋ ءۇشىن دەنساۋلىق ساقتاۋ ماماندارى ەكپە جاساتۋ كەرەك دەپ جاتىر. مەن دە ءوزىمىزدىڭ اماندىعىمىز ءۇشىن، ەلدىڭ اماندىعى ءۇشىن اللانىڭ قالاۋىمەن ەكپە الدىم»، - دەيدى ناۋرىزباي قاجى تاعان ۇلى.