قازاقستان «جاسىل» ايماققا ءوتتى

ەلىمىز COVID-19 تارالۋ قارقىنى بويىنشا «سارى» ايماقتان «جاسىل» ايماققا ءوتتى.

ءبىر اپتادا سىرقاتتانۋشىلىق دەڭگەيى 30%-عا، ۆيرۋستىڭ رەپرودۋكتيۆتىك يندەكسى 0،84-كە دەيىن، ينفەكسيالىق توسەك-ورىنداردىڭ جۇكتەلۋى 24%-عا دەيىن، رەانيماسيالىق توسەك-ورىنداردىڭ جۇكتەلۋى 21%-عا دەيىن ازايعان، دەپ حابارلايدى Almaty-akshamy.kz Primeminister.kz سايتىنا سىلتەمە جاساي وتىرىپ.

ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ەلدەگى سانيتارلىق-ەپيدەميولوگيالىق جاعداي قارالدى. دەنساۋلىق ساقتاۋ ءمينيسترى الەكسەي سوي حالىقتى ۆاكسينالاۋ بارىسى مەن قازىرگى جاعداي تۋرالى باياندادى. 

قازاقستاندا سانيتارلىق-ەپيدەميولوگيالىق جاعدايدىڭ جاقسارعانى بايقالادى. قازاقستان COVID-19 تارالۋ قارقىنى بويىنشا «سارى» ايماقتان «جاسىل» ايماققا ءوتتى. ءبىر اپتا ىشىندە سىرقاتتانۋشىلىق دەڭگەيى 30%-عا، ۆيرۋستىڭ رەپرودۋكتيۆتىك يندەكسى 0،84-كە دەيىن، ينفەكسيالىق توسەك-ورىنداردىڭ جۇكتەلۋى 24%-عا دەيىن، رەانيماسيالىق توسەك-ورىنداردىڭ جۇكتەلۋى 21%-عا دەيىن تومەندەدى. «قىزىل ايماقتا» نۇر-سۇلتان قالاسى، «سارى ايماقتا» – 6 ءوڭىر: الماتى قالاسى، اتىراۋ، پاۆلودار، باتىس قازاقستان، اقمولا جانە قاراعاندى وبلىستارى ورنالاسقان. قالعان 10 ءوڭىر – «جاسىل ايماقتا». 

بۇگىنگى تاڭدا 2،4 ملن-عا جۋىق ادام ءبىرىنشى كومپونەنتتى، 1،3 ملن-عا جۋىق ادام ەكىنشى كومپونەنتتى الدى. ۇكىمەت باسشىسى اكىمدىكتەر مەن دەنساۋلىق ساقتاۋ مينيسترلىگىنە جازعى كەزەڭدە، اسىرەسە، ماڭعىستاۋ، اقمولا، قوستاناي وبلىستارى مەن نۇر-سۇلتان قالاسىندا ۆاكسينالاۋ قارقىنىن بارىنشا ارتتىرۋدى تاپسىردى. 
«بارلىق دەڭگەيدەگى اكىمدەر ۆاكسينالاۋ ماسەلەلەرىن جەكە باقىلاۋعا الۋى ءتيىس»، — دەدى اسقار مامين.