ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا قۇرىلىس ماتەريالدارىنا باعا بەلگىلەۋ ماسەلەسى قارالدى.
يندۋستريا جانە ينفراقۇرىلىمدىق دامۋ مينيسترلىگىنىڭ (قازقسعزي) دەرەكتەرى بويىنشا، جىل باسىنان بەرى بەتونعا (12%)، سەمەنتكە (5%)، پوليەتيلەندى قۇبىرلارعا (10%)، سيليكاتتى كىرپىشكە (6%) باعانىڭ ءوسۋى بايقالدى.
باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك جۇمانعارين، يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ بايانداما جاسادى، دەپ حابارلادى Almaty-akshamy.kz. ق ر پرەمەر-مينيستردىڭ سايتىنا سىلتەمە جاساپ. ۇلتتىق ستاتيستيكا بيۋروسىنىڭ دەرەكتەرى بويىنشا، 2021 جىلعى قاڭتار-مامىر ايلارىندا باستاپقى تۇرعىن ءۇي باعاسىنىڭ ءوسۋى 8%، ەكىنشى قايتالاما تۇرعىن ءۇي باعاسىنىڭ ءوسۋى 13% قۇرادى. وتاندىق قۇرىلىس ماتەريالدارى باعاسىنىڭ ءوسىمى بيىلعى قاڭتار-ساۋىردە 16% قۇرادى. يندۋستريا جانە ينفراقۇرىلىمدىق دامۋ مينيسترلىگىنىڭ (قازقسعزي) دەرەكتەرى بويىنشا، جىل باسىنان بەرى بەتونعا (12%)، سەمەنتكە (5%)، پوليەتيلەندى قۇبىرلارعا (10%)، سيليكاتتى كىرپىشكە (6%) باعانىڭ ءوسۋى بايقالدى. ىشكى نارىقتىڭ قامتاماسىز ەتىلۋى 50%-دان كەم ارماتۋرا، شىنى سياقتى يمپورتقا تاۋەلدى ماتەريالدار باعاسىنىڭ اسا كوپ ءوسۋى بايقالادى. قۇرىلىس ماتەريالدارى نارىعىنا قاتىسۋشىلاردىڭ وزدەرى حابارلاعانداي، 2021 جىلعى قاڭتاردان باستاپ باعا ءوسۋىنىڭ نەگىزگى سەبەپتەرى ەلەكتر ەنەرگياسىنىڭ، جانار-جاعارماي مەن ماگيسترالدىق تەمىرجول جەلىسى قىزمەتىنىڭ قىمباتتاۋى بولعان. قۇرىلىس ماتەريالدارى باعاسىنىڭ الىپساتارلىق وسۋىمەن كۇرەسۋ ماقساتىندا باسەكەلەستىكتى قورعاۋ جانە دامىتۋ اگەنتتىگى كىرپىش، سەمەنت، ارماتۋرا، قيىرشىق تاس، پوليەتيلەن قۇبىرلارىن وندىرۋشىلەر مەن جەتكىزۋشىلەرگە بۇزۋشىلىق بەلگىلەرىن جويۋ جانە باعانى تومەندەتۋ قاجەتتىلىگى تۋرالى 26 حابارلاما جىبەردى. نارىق قاتىسۋشىلارىنا باعالىق اسەر ەتۋ ءۇشىن 10 قۇرىلىس ماتەريالدارىن وندىرۋشىمەن مونوپولياعا قارسى زاڭناما نورمالارىن ساقتاۋ تۋرالى كومپلاەنستار جاسالدى. تۇرعىن ءۇي قۇنىنىڭ وسۋىنە قۇرىلىس ماتەريالدارى باعاسىنىڭ ءوسۋى عانا ەمەس، سونداي-اق سۇرانىستىڭ ارتۋى دا اسەر ەتتى. ۇلتتىق ستاتيستيكا بيۋروسىنىڭ دەرەكتەرى بويىنشا جىل باسىنان بەرى جاسالعان كەلىسىمدەر سانى وتكەن جىلعىمەن سالىستىرعاندا 2،5 ەسەگە ارتقان. وسىعان بايلانىستى مەملەكەت باسشىسىنىڭ تۇرعىن ءۇي نارىعىندا دۇرلىگۋ مەن باعانىڭ وسۋىنە جول بەرمەۋ جونىندەگى تاپسىرماسىن ورىنداۋ اياسىندا 14 قۇرىلىس كومپانياسىنا باعانى تومەندەتۋ تۋرالى حابارلاما جىبەرىلدى. «قۇرىلىستىڭ جوعارى قارقىنى قۇرىلىستاعى بارلىق شىعىنداردىڭ ۇلەسى شامامەن 50%-دى قۇرايتىن قۇرىلىس ماتەريالدارىنا قاجەتتىلىكتى ۇلعايتادى. وسىعان وراي باعانىڭ نەگىزسىز وسۋىنە جول بەرمەۋ جانە نارىقتا قاتاڭ باقىلاۋدى قامتاماسىز ەتۋ بويىنشا شۇعىل شارالار قابىلداۋ وتە ماڭىزدى»، — دەدى اسقار مامين. ۇكىمەت باسشىسى باسەكەلەستىكتى قورعاۋ جانە دامىتۋ اگەنتتىگىنە يندۋستريا جانە ينفراقۇرىلىمدىق دامۋ مينيسترلىگىمەن جانە اكىمدىكتەرمەن بىرلەسىپ، جوسىقسىز وندىرۋشىلەر مەن ءونىمدى جەتكىزۋشىلەرگە قاتىستى قاتاڭ شارالار قابىلداۋدى تاپسىردى. پرەمەر-مينيستر يندۋستريا جانە ينفراقۇرىلىمدىق دامۋ مينيسترلىگىنە «اتامەكەن» ۇكپ-مەن بىرلەسىپ، قۇرىلىس سالۋشىلار مەن قۇرىلىس ماتەريالدارىن وندىرۋشىلەر اراسىندا ۇزاق مەرزىمدى ساتىپ الۋ كەلىسىمشارتتارىن جاساۋ مۇمكىندىگىن پىسىقتاۋدى تاپسىردى. يندۋستريا جانە ينفراقۇرىلىمدىق دامۋ مينيسترلىگىنە اكىمدىكتەرمەن جانە «اتامەكەن» ۇكپ-مەن بىرلەسىپ، قۇرىلىس سالاسىندا يمپورت الماستىرۋ بويىنشا جوسپارلانعان جوبالاردى ۋاقىتىندا ىسكە قوسۋدى قامتاماسىز ەتۋ تاپسىرىلدى.