ماماندار جۇمىسسىزدار سانى ازايعانىن ايتادى.
قازاقستان ۇكىمەتى جۇمىسسىزدار سانىن ازايتۋ ماقساتىندا ىسكە اسىرىپ جاتقان شارالارى تۋرالى ايتىپ كەلەدى. وسى ماقساتتا ءتۇرلى جوبالار ىسكە اسىرىلىپ جاتىر، دەپ حابارلايدى Almaty-akshamy.kz.
«2022 جىلعى 1 ناۋرىزداعى جاعداي بويىنشا، «جاستار» ساناتىنا جاتاتىن 34،9 مىڭ ادام 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبانىڭ قاتىسۋشىلارى بولدى. ونىڭ 24 مىڭى جۇمىسقا ورنالاستىرىلدى، ونىڭ ىشىندە 10،7 مىڭى – تۇراقتى جۇمىس ورىندارىنا ورنالاستىرىلدى»،- دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
سۋبسيديالاناتىن جۇمىس ورىندارىنا 13،3 مىڭ جاس جىبەرىلدى، ولاردىڭ 3،6 مىڭى «جاستار پراكتيكاسى»، «ۇرپاقتار كەلىسىمشارتى» جانە «العاشقى جۇمىس ورنى» جوبالارى شەڭبەرىندە مەملەكەتتەن قولداۋ الدى. 1،7 مىڭ ادام الەۋمەتتىك جۇمىس ورىندارىنا جانە 8 مىڭ ادام قوعامدىق جۇمىستارعا جىبەرىلدى.
ەستەرىڭىزگە سالا كەتەيىك، مەملەكەت باسشىسىنىڭ تاپسىرماسىن ورىنداۋ ماقساتىندا «جاستار پراكتيكاسى» جانە «العاشقى جۇمىس ورنى» جوبالارىنا قاتىسۋ مەرزىمى تيىسىنشە 12 ايعا دەيىن جانە 18 ايعا دەيىن، قاتىسۋشىلاردىڭ جالاقىسىن سۋبسيديالاۋ مولشەرى – 30 اەك-كە دەيىن، سونداي-اق بيزنەس-باستامالاردى ىسكە اسىرۋ ءۇشىن گرانتتار مولشەرى 2 ەسە ياعني 400 اەك-كە دەيىن ۇلعايتىلدى (1،2 ملن تەڭگە).
اعىمداعى جىلى جاستار اراسىنان جاڭادان باستاعان كاسىپكەرلەرگە 10 مىڭ قايتارىمسىز گرانت بەرۋ جوسپارلانۋدا. تاعى 10 مىڭى حالىقتىڭ الەۋمەتتىك وسال توپتارى ءۇشىن كوزدەلگەن (اتاۋلى الەۋمەتتىك كومەك الۋشىلار؛ كوپبالالى وتباسىلاردىڭ مۇشەلەرى – كوپ بالالى وتباسىلار بويىنشا جاردەماقى الۋشى جانە (نەمەسە) ونىڭ جۇبايى (زايىبى)؛ وڭتۇستىك وڭىرلەردەن سولتۇستىككە قونىس اۋدارۋشىلار؛ قانداستار؛ مۇگەدەكتىگى بار بالا (بالالار) تاربيەلەپ وتىرعان وتباسى مۇشەلەرى؛ مۇگەدەكتىگى بار ادامدار).
بۇعان دەيىن جاستاردى جۇمىسپەن قامتۋعا ىقپال ەتەتىن شارالار ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى شەڭبەرىندە ىسكە اسىرىلىپ، 2021 جىلدىڭ سوڭىندا اياقتالعان بولاتىن. مەملەكەتتىك باعدارلامادا قولدانىلاتىن ءبىرقاتار قۇرالدار اعىمداعى ۇلتتىق جوبا اياسىندا قولدانىلادى.
تەك 2021 جىلى عانا مەملەكەتتىك باعدارلاما بويىنشا جاستاردى جۇمىسپەن قامتۋعا جاردەمدەسۋ شارالارىمەن قامتۋ 34،8% - دى قۇرادى (226،2 مىڭ ادام). ونىڭ ىشىندە 145،4 مىڭ ادام تۇراقتى جۇمىسقا ورنالاستىرىلدى، 74،2 مىڭ ادام الەۋمەتتىك جۇمىس ورىندارىنا، جاستار پراكتيكاسىنا جانە قوعامدىق جۇمىستارعا انىقتالدى.
تجكب ۇيىمدارىندا جانە قىسقا مەرزىمدى وقىتۋ شەڭبەرىندە 20 مىڭنان استام ادام ماماندىق الدى.
«باستاۋ بيزنەس» جوباسى شەڭبەرىندە كاسىپكەرلىك نەگىزدەرىنە 11،6 مىڭ ادام وقىتىلدى، ونىڭ 1،9 مىڭى ميكروكرەديتتەر الدى، ال 11،5 مىڭى – 200 اەك مولشەرىندە مەملەكەتتىك گرانتتار الدى.
جۇمىس كۇشى ارتىق وڭىرلەردەن جۇمىس كۇشى تاپشى وڭىرلەرگە 887 جاس قونىس اۋداردى.
تۇراقتى جۇمىس ورىندارىنا جاستار اراسىنان 145،4 مىڭ ادام جۇمىسقا ورنالاستىرىلدى.
2021 جىلعى 4-توقسانداعى دەرەكتەر بويىنشا قازاقستاندا 1 ملن 987 مىڭ جاس (15-28 جاس ارالىعىنداعى) ەكونوميكالىق بەلسەندى بولىپ تابىلادى، ونىڭ ىشىندە 1 ملن 914،2 مىڭ ادام نەمەسە 96،3% - ى جۇمىسپەن قامتىلعان. جۇمىسپەن قامتىلعان جاستار اراسىندا ءوزىن-وزى جۇمىسپەن قامتىعاندار سانى 416،4 مىڭ ادامدى نەمەسە 22%، جالدامالى قىزمەتكەرلەر سانى – 1 ملن 497،7 مىڭ ادامدى نەمەسە 78% قۇرادى.
جۇمىسسىزدار سانى 2020 جىلعى 80،4 مىڭنان 2021 جىلعى 4 توقساندا 73،3 مىڭعا دەيىن ياعني 7،1 مىڭ ادامعا قىسقاردى، ال جاستار جۇمىسسىزدىعىنىڭ دەڭگەيى 2020 جىلدىڭ قورىتىندىلارىمەن (3،8%) سالىستىرعاندا 0،1% - عا تومەندەپ 3،7% - دى قۇرادى.