جىلدىڭ سوڭىنا دەيىن تاعى 2 ملن دوزا پرەپارات دايىنداۋ جوسپارلانعان.
قاراعاندى فارماسيەۆتيكالىق كەشەنىنىڭ (قفك) باسپا ءسوز قىزمەتىنىڭ مالىمەتىنشە، قازىرگى ۋاقىتتا كاسىپورىندا ەكى كومپونەنتتى رەسەيلىك ۆاكسينانىڭ 5،1 ملن-نان استام دوزاسى وندىرىلگەن، دەپ حابارلايدى Almaty-akshamy.kz
سونداي-اق، ۆاكسينا ءوندىرىسىن جەدەل رەتكە كەلتىرۋدىڭ شۇعىل قاجەتتىلىگىنە بايلانىستى ءونىمدى بەرۋ جانە تىركەۋ بۇرىن-سوڭدى بولماعان قىسقا مەرزىمدە - ەكى ايدان از ۋاقىت ىشىندە جۇزەگە اسىرىلعان.
«28 شىلدەدە ءبىز قازاقستان رەسپۋبليكاسىنىڭ «سك-فارماسيا» ءبىرىڭعاي ديستريبيۋتورىمەن ەكى كومپونەنتتى ۆاكسينانىڭ قوسىمشا 2 ملن دوزاسىن جەتكىزۋ تۋرالى كەلىسىم جاساستىق. ءبىز وسىنداي ماڭىزدى جانە قاجەتتى پرەپاراتتى ەل تۇرعىندارىنىڭ قاجەتتىلىكتەرى ءۇشىن جانە كەلىسىمشارت اياقتالعاننان كەيىن ءوندىرۋدى جالعاستىرۋعا دايىنبىز»، - دەپ حابارلادى قفك.
2020 جىلدىڭ جەلتوقسان ايىندا قاراعاندى فارماسيەۆتيكالىق كەشەنىندە «سپۋتنيك V» ءوندىرىسى ىسكە قوسىلدى.
قازاقستاندا COVID-19-عا قارسى ۆاكسينالاۋ 1 اقپاندا باستالدى.
ءبىرىنشى كەزەڭدە رەسپۋبليكا تۇرعىندارى رەسەيدە وندىرىلگەن «سپۋتنيك V» پرەپاراتىمەن ەگىلدى، ال سول ايدىڭ سوڭىنا قاراي قفك نەگىزىندە شىعارىلعان رەسەيلىك ۆاكسينانى ايماقتارعا جونەلتۋ باستالدى.